港男呻女友淨係揹細袋出街 轟：裝得啲咩？

港男呻女友淨係揹細袋出街 轟：裝得啲咩？

近日有港男於討論區以「實一直都好唔明，女人啲袋咁細到底裝到啲咩？」為題去大呻女友的問題，當中提及自己女朋友買的手袋一個比一個細，更指：「有啲仲細到連手機都放唔落」，對女事主的「買袋concept」都大感不解。

事主：每次都放喺我度

而事主最不滿的便是女朋友每次出街都會將自己的隨行物品例如化妝袋，雨傘以及外套等等都往事主的袋中放，事主直言：「咁佢拎袋嘅意義係邊？連出街要拎嘅野都拎唔到。」。事主更指有試過買一個大袋給女朋友，而女朋友只是用過一次就沒有再用，繼續戴細袋出街並將所需物品放於事主的袋中。

網民：拍拖拍到太監咁

網民睇完之後都感到紛紛同意，直指：「裝到咩？用來裝飾的」、「係用嚟裝可愛，等於戴戒指、頸鏈都係冇用㗎」、「陰公，幫娘娘裝嘢拎嘢，拍拖拍到好似做太監咁」、「你買一個大袋畀佢，便是失敗了，佢係想你拎，不是佢拎」等等。

其實近年不少奢侈品牌都偏向推出細袋，外人會稱之為「廢包」，其容量可能真係一包紙巾咁細，用途同名稱一樣，無法裝載任何物品。而男生就受罪地要袋好女生所有的隨行物品。