港女用小CK手袋=揀得過好女友？成港男全新擇偶條件

Jan 10 2023

擇偶條件對於每一個人來說都會有所不同，不少人對於另一半都有著自己的要求。不過就有一種較為奇特的要求，近年在市場上冒起，而該要求便是港女如用小CK手袋的話，卻反映了她便是一個好女友的候選人?

港女用小CK手袋=揀得過好女友？成港男全新擇偶條件

近日有網民於連登開post以「講真真係好羨慕啲男人有個用CHARLES & KEITH嘅女朋友」為題，認為一眾用小CK的港女十分貼地，平平地用幾百蚊的手袋就能滿足，可見這類港女通常都是為男士荷包著想，懂得知足並不會過於追求物質，直指一些要求用名牌袋的港女通常都是想「揸乾另一半個荷包」。

港女收名牌袋＝預約啪啪啪？！

事主在內文中提及：「但係啲囡囡會覺得，要名牌手袋先顯到身價，又唔可以衰俾啲姊妹睇」，又指出名牌推陳出新的速度相當快「一季幾皮嘢換個袋，幾年就幾十萬，淨係手袋咋！」。面事主又認為唔少男性在追求對方期間送上名牌手袋都是有所企圖，而女仔會收下的話就等同係「預約啪啪啪」。

想正經拍拖不會揀用名牌袋

事主最後就指如果想正經拍拖的女仔，絕對不會買咁貴的手袋，直言「大家都要為將來儲下錢，明白搵錢艱難，唔會要條仔破費，寧願自己可能有機會比班所謂「潮流教主」笑用抄款袋，都唔想另一半破費而唔開心」。

網民力插「廢包」好冇用！

其帖文引起網民熱議，有部分網民就認為女性買這裡名牌手袋的確係為滿足虛榮感，而有人更會用名牌手袋去充大頭鬼，要另一半破費購入名牌袋。亦有人指名牌袋就咁印個Logo就上萬的價錢的確不值，更插一些品牌推出的「廢包」更係「垃圾到爆，乜都裝唔到」，認為用Muji麻布袋仲好過用呢一類名牌手袋。

「自己買俾自己冇問題」

不過都有大批網民認為港女自己買名牌手袋俾自己其實冇乜問題，直言「女朋友搵7萬8萬一個月，好正經咁搵，買袋有咩問題？」、「自己買咪得，又唔使你買」、「窮男人圍爐區」、「Charles and Keith 款靚但真係用唔得耐，用幾個月就會殘左，我寧願俾貴少少買個物料好啲嘅袋，至少都用幾年」、「想知你條女買假撈俾你係咪ok，大家都係抄款」、「你諗吓點解佢要用ck 先？貪個款靚？但個款係抄名牌抄返嚟喎，姐係班女都係buy名牌個設計啦」、「老師護士起薪都3萬，買名牌袋輕鬆啦，點解要買抄款」。