渣男愛著運動褲？ 日本節目街訪一眾女性 投選渣男5大穿搭風格
廣告
渣男愛點樣嘅穿搭？早前日本AbemaTV電視節目「指原莉乃&ブラマヨの恋するサイテー男総選挙」，當中於街頭訪問咗一班女性，睇下佢地心目中渣男嘅最愛穿搭。當中有啲答案都幾出乎意料，渣男5大穿搭其中一位竟然係adidas運動褲！真係估佢唔到。咁另外仲有咩其他渣男items？我地一齊去睇下。
1.adidas運動褲
唔知點解好多女性心目中，adidas運動褲係渣男最愛單品，不過估計係adidas運動褲價錢唔貴，令擁有度相當高，從而提高渣男穿著嘅機會。
2.愛Show名牌
渣男通常很喜歡大Logo嘅單品，好鍾意將一身名牌堆晒上身，show off成份相當高，好似慌死其他人知佢有錢買名牌咁。
3.紅色格仔裇
原來好多女仔覺得紅色格仔裇係渣男單品，佢地覺得著紅色格仔裇嘅人，對比一般人更自信，有可能明明係薯仔一個，卻對自己十分有自信，令人反白眼。
4.Oversized T恤配黑色緊身褲
普遍女生認為愛著Oversized T恤配黑色緊身褲嘅男生都係渣男，而且通常都係食軟飯，同時亦對自己外表十分有自信。
5.Polo裇
日本不少女生認為著Polo裇嘅男生對自己好有自信，但其實女生都dislike Polo裇，覺得運動感太重、材料太薄，而且好老土。
關鍵詞
早買早享受
