最強「黑金」Rolex Yacht-Master 率先現身Basel表展2015

潮流

廣告

一年一度表壇大大大事,瑞士Basel表展又嚟喇(3月19至26日),小編窮到燶,戴精工,但每年都會準時留意住有咩新表出,買唔起都可以同fd吹下嘛!至於邊個品牌係我同我班fd最關注?一定係「撈」囉!我諗,你暗啞底都會話:「我都係呀!」

OK!開估,今年Basel表展剛開始,Rolex即發表今年重頭,唔係之前傳嘅白面黑圈Daytona,反而係運動型表款較冷門嘅Yacht-Master(116655)!

又不過,今次隻新Yacht-Master配色相當「招積」,係玩「黑金」!又令我諗起好土豪feel嘅金色新Macbook…喂!咪諗埋一邊先,隻Yacht-Master玩嘅係瑰玫金色(用料為18ct永恆瑰玫金),隻金淡淡地,高貴好多呀大佬!再配以黑圈黑面,加埋條黑膠帶,嘩~~有型到呢,sporty得嚟又夠grand,我巧冧豬啊~~

重有一個大冧位,就係表面印上紅色「Yacht-Master」字樣,喂!紅字呀!「雙紅」「單紅」(即舊裝印上紅色「Submariner」同「Sea-Dweller」字樣嘅深潛「撈」)唔使我講都知型啦!

今次隻「黑金」Yacht-Master分別出兩個size版本(37mm同40mm),發售日同售價待定,但坊間已估計過硬20萬港紙,儲定錢係時候!

text-stanley

常見問題

有香港買勞力士攻略嗎?

ROLEX既是身份的象徵同時亦能保值,若然是新手初哥,最好就在購買前必讀香港買勞力士攻略。心思思唔知買咩款好?立即參考Rolex Daytona五大最受歡迎款式/Rolex保值款。想隻Rolex保持得「靚靚仔仔」的話,即學8招勞力士保養方法

買二手勞力士有甚麼需要注意?

買二手錶最怕就是買列假貨,7大要點教你分辨真假Rolex。要買不一定要去二手錶店,以下3大世界二手錶網店推薦,都是信譽良好的二手名錶網站,讓你較低機會買到假錶外,還可知道市場價格、二手市況等!注意,勞力士推新制「二不策略」,規定經銷商(AD)不可以以超過該手錶的公價去售賣,因此若發現超出定價切勿購買!

YOU MAY ALSO LIKE ...