春夏轉季情報 新港中心 掃貨攻略

text: bi Photo:（圖片由新港中心提供）

潮人換新裝
好快就到夏天，當你打開衣櫃嘅一刻，先發現冇衫出街已經太遲!
大家係時候好好預備一下，為衣櫃入貨喇！

今年最Hit撞色兼粗條子，時裝滲入當代美學感覺，而針織又最啱依家春夏交替呢個時期著，作為潮人梗係要去AMENPAPA入貨啦！另外，採用數碼打印技術嘅百褶裙亦不可缺少，著上身行路嘅時候，可展現出豐盈層次感。

近年時裝界熱吹運動風，連一向出開牛仔褲EVISUKURO都加入戰團。今期熱推全印花風褸，配以側印花兼後印品牌標誌嘅Sweatpants，大家去街或行山都可以潮住出汗。

 
黑白色一直係:CHOCOOLATE標誌性設計元素之一，2017春季主題「BLACK CYCLE」糅合黑白元素同HIGH-END運動風，打造出型格嘅衣著搭配。另外，剪裁方面以寬鬆為主嘅items，重點推介嘅單品有半胸筒風褸同綁帶企領恤衫等。

鍾意森林風嘅朋友，為你推介蝴蝶結提花上衣同流蘇吊飾連身裙，係將初夏感覺融入時裝嘅最佳示範，雖以素色為主，但係細節盡顯心思，TSUMORI CHISATO今季有最啱日系小清新嘅你。

走斯文路線嘅型男，衣櫃必定有幾件FRED PERRY，今次推介Bomber Collar Pique Shirt 亨利領短袖POLO恤，低調黑色加領邊線條，神秘中不失趣味。另外，亦有Striped Panel Ringer彩帶短袖T恤，既有夏日氣息之餘又搶眼。

®Levi’s向來係牛仔經典品牌，首推512修身窄腳長褲，襯咩look都夠晒型；但其實除咗牛仔外，其他fashion items都係別具風格！黃色花卉背心連身裙，著咗上身就即刻覺得自己變咗做Emma Stone，好有La La Land感覺！
 

一講Lacoste一定會令人諗起網球同白色sneaker，其實仲有由slip on 演變而成鞋款嘅L.ydro，一共推出3種顏色，分別有芥辣黃、海軍藍同純白色，感覺清新；另外仲有富法式簡約味道嘅LT SPIRIT ELITE，有黑色同純白兩色，潮人必備！

天氣唔凍唔熱，最啱著薄薄嘅長袖衫。Double Park推介本地街頭熱捧品牌fingercroxx同Musium DIV，推出品牌大logo兼側印花上衣，夠清新之餘又簡約。至於今季大熱嘅MUSIUM DIV.老虎頭圖案亦係唔少得，狂野中保持低調。

換季除咗outfit，都唔少得內衣。Satami蕾絲3／4杯胸圍，用咗法國柔軟花邊同低V肌心設計，令女仕們更容易營造深長「事業線」，加上Satami獨有嘅月亮側片和《環抱式》背片嘅設計，充份包覆腋位前後同背部，效果更顯修身，同贅肉bye bye。另一款Satami蕾絲低Ｖ胸圍，係採用模杯方式嘅低肌心設計，令著開高肌心胸圍而感到肋骨位緊束嘅女仕舒適更多。

行過Calvin Klein Underwear舖頭，新一季內衣款式已經ready喇，為大家介紹下先！最啱運動風朋友嘅Calvin Klein ID 桃紅 Push up Bra & Bikini，顏色夠搶眼，係自信女性嘅表現！另外，綿質 Lightly Line Bra & Bikini比較適合簡約斯文嘅女士，低調嘅灰色實屬必備之選。

有人話，睇一個人用咩配飾，就可以睇出嗰個人嘅性格。今時今日做潮人，要有個人特色，揀番件心水配飾，展現真我個性啦！
潮人揀錶有兩個原則，一係準時，二係款式。啱啱舉行咗嘅香港場地單車世界錦標賽就係由瑞士天梭表做大會指定時計，準時呢方面當然無難道，男士可以配帶全黑型格Ballade COSC自動腕錶 ，天文臺認證一定夠準！至於女士就有玫瑰金T-Wave女士腕錶，外型優雅，適合OL一族！

今夏最新款嘅三角形貓眼太陽眼鏡，以漸變有層次感、墨綠色配上藍色嘅金屬鏡框，勾勒出嫵媚貓眼之餘，三角格紋裝飾圖案別具幾何美感。ISA推介簡約獨特設計嘅女士手袋，米黃色真皮面料，加上標誌性橢圓環扣，大方又夠潮。

棒球帽早就成為潮人頭上必備，人人一帽旁身。今次介紹嘅黑色 Sakura 系列「NY」字棒球帽，係日本特別版，唔駛飛日本就買到喇！另外，牛仔布「NY」字鴨舌帽，備有皮帶扣，非常復古！

未係你心水？唔怕！New Era有過百款棒球帽任你襯，慢慢揀啦！

Longchamp3D集現代氣度同對稱美感之大成，以品牌標誌性設計為重點，營造出鮮明立體嘅3D效果。袋身嘅洗水小牛皮極致柔軟，用耐咗，手袋表面更亮澤，更添優雅。
至於Pénélope Fantaisie就以光滑牛皮及麂皮為物料，撞出鮮明對比，而且水桶袋款設計簡潔，細節精緻，並配有可調節肩帶，盡展氣質！

換季時刻 保養要及時
除咗個身，塊面都好緊要，轉季就要用唔同產品保養。唔想太焗生粒粒或者太乾出哂紋，護膚品同化妝品換季都要及時，皮膚白滑，就係最好嘅outfit！
要打造自然妝容，當有痘痘時，選用瞬間淨痘精華進行消炎抗菌同舒緩紅腫，令皮膚立即回復自然滑一滑啦！上妝用埋由礦物煉成嘅控油蜜粉，乾爽夏日由此起！唔知邊樣啱自己，可以親身去搵AnthonG 美容顧問問下意見，揀最適合你嘅護膚同化妝品。

大家成日去開Sasa買化妝品﹐就係貪佢咩都有。今次就同大家推介一下Sasa旗下品牌CYBER COLORS，呢隻牌子嘅羽傘舞裙豐盈睫毛液，效果超卓，搽少少已經濃密又夠捲曲，小編用過都話正！當然，搽完記得落妝，用埋同牌子嘅柔和眼部卸妝液，輕易去除，拿拿淋落完妝就可以訓覺。

夏天一到，大家又成日喺冷氣環境下工作，皮膚好易乾燥。雪花秀皇牌產品潤燥精華，一直都係OL恩物，今次特別推出以金色梅花圖案設計嘅二十周年限量版，以專利成分「滋陰丹™」開啓肌膚元氣，達到滋陰平衡極萃，令肌膚唔會被冷氣吸乾。
另外，最新推出嘅全新潤燥面膜，以精選芍藥、地黃、蓮花、玉竹同百合5種韓方草藥精煉而成，配上100%天然棉花嘅微棉面膜，完美為肌膚充電，愛錫肌膚嘅你，收工去雪花秀入定貨啦！

有咩嘢係肌膚乾燥救命神器？一定係蠶絲面膜！Dermaroller INTENSIVE HYALURONIC蠶絲面膜含有透明質酸同五勝肽，敷完有效促進皮膚更新膠原蛋白，保持皮膚彈性。
如果你有好大工作壓力、長時間坐冷氣房、坐飛機、甚至曬傷後，敷完皮膚會立即得到relax，最重要係不含防腐劑！想平日皮膚夠飽水，唔敷面膜都要可以搽Cosmedix Clarity Skin-Clarfiying精華液，由肌膚底層開始keep住水潤。如果你仲有其他肌膚問題，不妨親身去APERCU店舖，搜刮更多美肌神器！

孝敬父母系列
就嚟到一年一度母親節同父親節，又係時候盡下孝心！父母輩鍾意比較實際嘅禮物，不過唔代表冇款。而家以父母輩為對象設計，都好有新意。
由六福珠寶推出「媽媽最美」母親節系列，以蝴蝶、花為元素，將女性柔情一面展現，希望媽媽收到會笑遂顏開。

周大福今次母親節以任何女性無法抵擋嘅鑽石，「驕人系列」鑽飾特別為有lifestyle現代女性而設。另外，亦有為童心媽咪推出咗「迪士尼公主」系列就適合童心媽咪，子女可以以造型首飾為母親實現少女時代公主夢。

有啲媽媽鍾情於皮具，而且對用料都好講究，Raylowi Genuine Crocodile鱷魚皮係唔錯嘅選擇。可能你會覺得價錢好貴，但鱷魚皮可以保存幾十年歷久常新，且每個鱷魚皮包包嘅花紋都係獨一無二，除咗送給媽媽，背包款都好適合爸爸，一於下佢哋開心啦。

Shop List：
AMENPAPA / 206
AnthonG / LG59-60
APERCU / LG53
Calvin Klein Underwear / LG61
:CHOCOOLATE / B02
CHOW TAI FOOK周大福 / G06
Double-Park / LG31-34,36,38,64-72 & 65A
EVISUKURO / 107
FRED PERRY / LG29-30 & 35
ISA / LG73
I.T – TSUMORI CHISATE / LG01 &16-17

LACOSTE / G20
Levi’s/ LG48-52
LONGCHAMP / G01- G02,101-102,203-204
LUK FOOK JEWELLERY 六福珠寶 / G07
New Era / 221 -222
Raylowi Genuine Crocodile/ 205
SA SA莎莎 / L109, 111-112
Satami莎娜美 / 220
Sulwhasoo雪花秀 / G19
TISSOT瑞士天梭表 / G03