日本日清推出巨型杯麵環保袋 更大玩袋中袋設計
廣告
日清食品向來係唔少人心中最愛嘅即食麵品牌，陪伴咗夜鬼無數嘅夜晚。而多年來，日清除咗出即食麵及杯麵外，其實仲有推出多款週邊產品，如擺設、家品等，而最近日本日清又推出話題性新作，就係一個超巨型杯麵環保袋，而且更大玩袋中袋設計，消息一公布，已經立即引來極大迴響。
撰文：Easy｜ 圖片來源：日清
日本日清推出巨型杯麵環保袋
日本日清官方最近宣布，將推出一個超巨型杯麵環保袋，擁有極高搶眼性。最特別之處係採用袋中袋設計，環保袋中備有一個小型收納袋，可以收納隨身小物或散紙等，相當實用。
不過據消息透露，呢款巨型杯麵環保袋只屬官方贈品，並不會獨立發售，香港嘅朋友想入手嘅話，可能要靠日本嘅朋友幫手啦。
關鍵詞
早買早享受
