日本節目研究「一個名牌手袋變靚大法」 努力扮靚瘦身50日超大改變!?

潮流

廣告

身為一個女仔,一生人都希望能夠買到一個名牌手袋,算是達成里程碑。日本就有節目研究如果將一個名牌手袋給於一個女性的話,在50日內該名女性是否會因為自己拎住名牌手袋而對自己的樣貌和身材開始作出管理。

日本節目研究「一個名牌手袋變靚大法」 努力扮靚瘦身50日超大改變!?

日本節目《50日間で女性の顔は変わるのか!?》邀請到一名27歲OL Mai,該名OT平時對於生活都沒有要求,而且亦沒有戀愛的想法,而且平日都不太愛出街,完完全全似足一個宅女。節目組為其送上一個Hermès Birkin手袋,其價值約為10萬港幣,並要求Mai每日出街都使用該手袋。

日本節目 一開始係個宅女
一開始係個宅女(圖片來源:節目截圖)
日本節目 收到手袋超開心
收到手袋超開心(圖片來源:節目截圖)

Mai開始每日都帶住Hermès Birkin手袋出街,而且為了能夠襯得起價值連城的手袋,Mai開始研讀時裝雜誌,豪洗6000Yen(約港幣$380元)去做Gel甲,再用大量金錢購入化妝品,更加前往髮型屋轉變自己的宅女髮型,相當用心打扮同改變自己。

日本節目 Hermès Birkin紅色款
Hermès Birkin紅色款(圖片來源:節目截圖)
日本節目 每日都拎住出街
每日都拎住出街(圖片來源:節目截圖)
日本節目 仲做埋gel甲
仲做埋gel甲(圖片來源:節目截圖)
日本節目 髮型都要換一換
髮型都要換一換(圖片來源:節目截圖)
日本節目 潮流雜誌本本都有買
潮流雜誌本本都有買(圖片來源:節目截圖)

Mai每日都會幫手袋進行清潔,相當愛惜該名牌袋,而且亦都希望日日都能帶住個手袋出街。以往宅女的形象全然消失,落力打扮的Mai整個人都因著手袋的關係已經煥然一新。

日本節目 每日都幫手袋清潔
每日都幫手袋清潔(圖片來源:節目截圖)
日本節目 6日就已經有少少分別
6日就已經有少少分別(圖片來源:節目截圖)

另外亦因為該名牌手袋的原因,令到Mai性格都得到改變,以往內向的她變得更積極,而且對於自己亦更有信心。50日內,Mai就因為該手袋而改得十分之大。其節目最大的宗旨就是希望嘉賓能夠對自己有信心,透過外界去刺激自己打從心底地變靚。

日本節目 50日後改變勁大!
50日後改變勁大!(圖片來源:節目截圖)
日本節目 仲識埋化妝
仲識埋化妝(圖片來源:節目截圖)

圖片來源:節目截圖