【換季掃春裝】6間台灣網購女裝店推介!最平$45入手 精選30件性價比高春季女裝

潮流

廣告

天氣開始回暖,係時候收埋厚厚的冬天衫換季了,衣櫃總係唔夠衫著,又懶得出門買衫,最方便當然係網購啦!怕淘寶會中伏,又睇唔明日文韓文,不如試試台灣網購女裝啦,今次記者在一6間台灣人氣網店搜羅了30件性價比極高春裝推介,質素好之餘仲有好多折扣,買多多都唔肉赤。

撰文:Cynthia@GOTrip|圖片來源:相關機構

精選30件性價比高春季女裝

韓系少女風 Joyce Shop

Joyce Shop有很多來自韓國空運的服裝,喜歡韓系的話一定不可以錯過!而且價錢大部分都是$100以內超划算,買再多都不會心痛!除了春裝之外,Joyce Shop 還有很多唯美的耳環,一個不小心就會買超多了。

Joyce Shop
網址:www.joyce-shop.com/index.asp

1. 基本壓紋圓領背心 NT167/HK$45

春天當然要買背心show下身材,就算最近天氣未算好熱,都可以加件薄外套,已經會好好睇!

按此人手

2. 兩件式甜美碎花背心上衣NT308/HK$82

春天係最適合著碎花的季節,兩件式的設計可以搭在一起穿,分開著都無問題,$82 就可以買到3種著法,超抵啊!

按此入手

3. 簡約直紋長版襯衫 NT308/HK$82

雖然話天氣開始慢慢回暖,但時不時都係會有啲風會凍,自然要買返一兩件薄外套傍身!長版襯衫夠薄身,直紋款搭牛仔褲已有好好睇,仲會顯瘦!

按此入手

4. 領口造型竹節棉T NT282/HK$76

淨色T-Shirt太普通,加點小設計就會變得與別不同!呢件領口造型竹節棉T的領口位的吊帶挖空造型,不會太過誇張,而且很實搭!

按此入手

5. 設計感純色修身長裙 NT246/HK$66

有時候想著得斯文少少,長裙就係必備的了!呢款加入了修身的設計,成個人會顯得修長啲,亦可以突出線條!

按此入手

懶人穿搭 Rainbow Shop

放假想著得輕鬆啲,就要去Rainbow Shop 尋吓寶,比起上面那幾間偏向文青而斯文,Rainbow Shop 多One-piece、短裙、T-Shirt,唔使返工的日子可以著得好舒服!最近買滿NT1,500/HK$401,就會送迪士尼可愛造型的背包散紙包,快啲夾朋友一齊買啦!

Rainbow Shop
網址:www.rainbow-shop.com.tw/Shop/itemList.aspx?m=9&p=251

6. 清新俏皮格紋吊帶寬褲 NT253/HK$68

想著得舒舒服服,闊腳褲係不二之選,加上格仔款萬年不敗,簡簡單單襯件白T就可以出門!

按此入手

7. 落肩舒棉長版上衣NT245/HK$66

棉質的One-Piece 夠晒方便,一著上身就可以出街,懶洋洋唔想襯衫的日子,就揀佢啦!

按此入手

8. 清新字母轉印長版棉質T恤 NT225/HK$60

唔想成件衫一隻色咁悶,可以揀上面有英文字設計的One-piece,襯對波鞋就可以出門啦!

按此入手

9. 排釦大口袋鬆緊A字牛仔裙 NT198/HK$53

夏天點少得牛仔短裙,無論係T-shirt、恤衫、一字膊都襯到,好百搭!而A字型設計,更加可以令下身睇落更瘦!

按此入手

10. 單釦割破合身彈性長褲 NT293/HK$78

除了牛仔褲外,黑色長褲都好實搭,加上大腿處的小破爛,顯得更有設計感,最重要的是有彈性,起身坐低不會感覺很束縛!

按此入手

全球免運費 Queen Shop

喺台灣好有名氣的Queen Shop是台灣女生必買的店舖,衣服設計偏向簡約清新文青風,不鐘意太花巧的話一定會大出血!除了網店之外,Queen Shop 在台灣亦有很多實體分店,單是台北已經有8間,上網買唔夠,去旅行都可以繼續入手。而近期網店有全球免運費優惠,只要買滿NT$3,000就可以唔使畀運費,仲唔夾埋朋友一齊買!

Queen Shop
網址:www.queenshop.com.tw

11. 小高領條紋Tee NT250/HK$67

一到夏天就成街都係橫間衫,想同其他人有少少唔同,可以揀Queen Shop 呢個小高領的設計,黑、白、灰的三色非常好搭!

按此入手

12. 寬版吊帶褲NT450/HK$121

夏天衣櫃裡少不了一件吊帶褲,去野餐、去旅行著上升,俏皮感馬上提升!這款新品一共有三種顏色,黃、軍綠及暗紅,同閨蜜一人一色啦!

按此入手

13. 白色棉質洋裝 NT400/HK$107

夏天最方便就係著一條連身裙,白色棉質夠文青,無論係著去cafe 影相,定係野餐時著都好靚,加上屬於中袖,涼爽的春天都剛剛好。

按此入手

14. 口袋造型鬆緊腰棉麻老爺褲 NT390/HK$104

文青女孩必備的棉質長褲,上身搭配T-Shirt或者簡單的恤衫,就可以突顯出清新的氣質!腰位的橡筋設計更加舒適,唔怕食飽就變到好緊!

按此入手

平價之選 MIUSTAR

網購最重要的都係價錢,太貴的話不如落葵廣買仲好啦!MIUSTAR就滿足到大家又要平,又要平、又要靚的心態,款式多元化,除了少女最愛的碎花外,還有休閒款,以及偏正式一點的OL裝!不過想要送到香港的話,就要到樂天去買啦!

Miu Star
網址:www.rakuten.com.tw/shop/mius/

15. 牛仔寬褲 NT199/HK$53

近年牛仔褲的款式愈來愈多,除了貼身的設計外,鬆身的寬褲穿起來更加舒服,唔怕食得太飽會好緊。加上設計比較休閒,著對白色波鞋已經好好睇!

按此入手

16. 一字領碎花上衣 NT215/HK$58

呢兩年一字膊的上衣掀起了熱潮,露膊的設計帶點小性感,好受歡迎!呢件的碎花設計非常可愛,簡單的配搭牛仔長褲,已經好好睇。

按此入手

17. 一字領雪紡上衣 NT199/HK$53

露膊衫自然唔會嫌多,呢件一字領上衣雪紡質地更加涼爽,闊袖、直身無束腰等都可以遮去身上的肥肉,小巧思 令身型看起來更纖瘦。

按此入手

18. 荷葉袖上衣 NT230/HK$62

每到夏天就會買好多短袖T-Shirt,想有質感好點,感覺簡單之餘又有點設計感的話,可以選這件荷葉袖上衣,V領處有個金屬的小配飾,更加特別。

按此入手

19. 條紋上衣+雙肩帶洋裝 NT350/HK$94

有時出門懶得諗點樣襯衫,最好就係襯埋畀你最方便!條紋上衣+雙肩帶洋裝兩件裝,直接襯埋一套著又得,分享夾其他衫著都可以,唔使 $100 就買到兩件衫!

按此入手

質感OL裝 Sweesa

有時候要返工著得正式少少,又唔想太沉悶,不妨去逛逛Sweesa,呢間店舖比較多素色的衫,但在設計上一點都不馬虎,大方之餘唔會太成熟!

Sweesa
網址:www.sweesa.com/Shop/

20. 前短後長襯衫 NT210/HK$56

返工日日都著恤衫好鬼悶?買多幾種色就唔會厭啦!Sweesa 的前短後長襯衫,設計上已經花了心思,再加灰色及泥黃色兩種選擇,想formal 可以著長褲,放假輕鬆啲襯牛仔裙都可以!

按此入手

21. 小V領反摺袖上衣 NT350/HK$94

淨色上衣都可以有變化,呢件上衣小V領的設計比較特別,加上手袖位是反摺袖,在細節上的處理十分用心!

 

按此入手

22. 一字領袖綁帶上衣 NT380/HK$102

想買一字領上衣,又不喜歡花花設計太花巧,淨色款係最好的選擇!呢款上衣的手袖位是結帶,感覺更加少女!

按此入手

23. 喇叭袖坑紋薄針織衫 NT250/HK$67

淨色衫幾百搭,而直間設計是近年韓妹最愛的款式,加上手袖位的喇叭設計,令淨色衫看起來更與眾不同!

按此入手

24. 多色Chic字母短袖T NT280/HK$75

呢件Chic短T一共推出了5隻色,又是考驗選擇困難症的時候了!手袖位比一般的短T做得寬鬆,可以輕鬆遮擋拜拜肉!

按此入手

可愛夢幻款式 蘋果星沙

蘋果星沙的衣服單價相對來說偏高,不過質感很好,而款式也不是坊間常見的,很值得入手!無論是T-Shirt、裙裝都比一般得更可愛及夢幻,好想全部帶回家!

蘋果星沙
網址:www.applestarry.com.tw/Shop/

25. 蝴蝶結小鹿圖案棉質長版上衣 NT340/HK$91

萌爆的小鹿還加入了蝴蝶結,看起來更加可愛,一穿上身就少女感爆發!

按此入手

26. 口袋兔兔刺繡花圖案細條紋棉質上衣NT350/HK$94

橫間T的口袋上,有隻可愛的小兔子圖案,瞬間又變得更萌了!

按此入手

27. 葉叢魚尾百褶雪紡細肩帶洋裝 NT350/HK$94

雪紡加上魚尾的設計,裡面可以搭背心或者短袖,而裙上的彩色樹葉的圖案,亦比一般碎花更加特別。

按此入手

28. 蝴蝶結側邊領綁結喇叭袖棉質上衣 NT300/HK$80

棉質上衣在左邊加上蝴蝶結,馬上變得非常可愛,無論是搭長裙還是褲網,都會令人感到十分甜美。

按此入手

29. 套裝條紋喇叭袖上衣+吊帶縮腰傘擺長裙 NT550/HK$147

呢件裙裝要HK$147,老實說有點小貴,但其實長裙同橫間衫兩件可以分開,有其他不同的搭配!而且黃、藍、黑3種的配色都非常好看!

按此入手

30. 挖肩縮腰外開岔裙片設計飄逸背心洋裝 NT380/HK$102

出席比較重要的場合,就需要件正式少少的洋裝傍身,呢件設計雖然看起來很簡單,但開高叉可以令你不經意露長腿,小性感一下!

按此入手

購買方法1|官網訂購 直送到港

台灣網購的最大好處,就是免去語言的障礙,加上價錢便宜,品質也相對更有保證。目前很多台灣網購店都有直送到港的服務,且不是會全球免運/海外免運等,大家可以等換季、各種節日上官網看看,都會不時有各種優惠推廣,非常吸引!

購買方法02|旅行時自行取貨

如果遇到店家不送港的店舖,可以選擇上網買完之後,再趁旅行時去台灣取貨,各個店家會與超商、7-11、全家等合作,提供取貨服務,而且運費通常非常平,很方便!