中國最新政策「禁網路炫富」展示名牌收據都隨時出事

Dec 28 2021

中國近年為求更正「社會歪氣」，不斷宣布多項政策，包括「禁娘炮文化」、「限制網路遊戲時間」等，而最近又再公布新政策，就係「禁網路炫富」，政策要求所有人唔可以於網路上進行任何炫富發文、圖及影片，一旦被發現將立即被刪除，對於一眾土豪及名牌控，似乎係一個天大壞消息。

撰文：Janet｜圖片來源：[email protected]、小紅書 @ 蛋蛋兔egg、小紅書 @ 淺色溫暖、IG @ honganc、抖音@吳啟華

中國最新政策「禁網路炫富」

中國大陸一向宣揚「共同富裕」政策概念，希望拉近貧富差距，眾多社交平台為求配合「禁網路炫富」行爲，包括「抖音」已關閉包超過4,000個帳號，而另一平台「小紅書」亦宣布已為接近9,000條筆記打上炫富記號，以為有網民作出炫富行為。

何謂叫「網路炫富」？中國官方暫時冇一個指定準則，不過列舉咗幾個例子，例如「展示收據或點過多餸菜」行為，即係太過show off自己嘅貴價戰利品，以及太過奢華地食飯都好容易出事，對於國內嘅同胞，今次真係molamola！

新政策「禁網路炫富」，對於鍾意show自己波鞋、潮牌、炒物嘅潮人，很絕對係災難級消息，未來嘅日子真係唔知點過。而另一問題係，一向鍾意幫名牌做宣傳嘅KOL及藝人，如極愛展示自己Rolex及名錶珍藏嘅吳啟華，面對「禁網路炫富」，唔知又可以點做呢。既然之後要show off得咁低調嘅時候，例如一眾中國sneakerhead們必須要低調或「不經意地」曬鞋同潮物。唔知一眾鍾意炫富嘅網紅仲有冇心機曬命呢？或者又會唔會創出其他新玩法？大家拭目以待！