【時裝貞】SKECHERS旗艦店潮入銅鑼灣!

潮流

廣告

如果你問一班潮男潮女近年流行咩服飾?SPORTS WEAR一定係你必定會聽到嘅答案!而SPORTS WEAR嘅風潮亦令運動品牌SKECHERS人氣不斷急升,喺香港嘅分店愈嚟愈多!近日SKECHERS喺銅鑼灣啟超道更開設咗間樓高兩層嘅旗艦店!賣嘅貨同其他店有咩特別?等我話你知啦!

Text: 時裝貞 photo:部分相片由SKECHERS提供

全港獨家發售D’Lites系列限量版鞋款

D‘ LITES係近年年青人最愛嘅鞋款系列之一,尤其深得女生喜愛,可以話係香港女生屋企嘅must-have items!而今次SKECHERS銅鑼灣旗艦店更獨家發售D‘ LITES系列限量版鞋款,重要係最易襯嘅黑白兩色,潮人必入手!

獨家發售SKECHERS x KYE限定系列

近年SKECHERS已不斷推出唔同嘅時尚產品及款式,希望爭取潮流領導地位。 而今年SKECHERS更特別邀請韓國人氣服裝品牌KYE創辦人兼設計師Kathleen Kye合作,首次攜手推出玩味極重嘅 SKECHERS x KYE極罕限定聯乘系列,亞洲區只有韓國及香港獨家發售,全港淨係得銅鑼灣旗艦店有咋!

 

最新款式運動裝備

潮還潮,SKECHERS始終係以運動鞋及運動服飾起家,店內當然要有唔同款式嘅運動衫褲啦!新開張嘅SKECHERS旗艦店號稱全亞洲最大,無論,男、女、童裝產品種類堪稱全港最齊全!想買運動裝備就啱晒啦!