重溫《大時代》!10大舊時代集體回憶位

丁蟹效應又再應驗,無綫宣布今晚(20/4)重播《大時代》,套戲都未播,恒生指數 已經狂瀉5百幾點,真係唔知係咪咁橋。唔知大家有冇及早走貨,又有冇不幸走遲做咗蟹民,不如重溫一下呢套由電影鬼才韋家輝監製嘅神劇,參透一下股票之道。劇未播,回顧一下《大時代》出現過嘅人和事物,即有令人懷念嘅,亦有啲元素同而家流行嘅相呼應,有啲嘢,無論係新時代定係舊時代,都係歷久常新,充滿味道。

text-丁蝦

 

1)丁蟹金絲框眼鏡

雖然而家興番金屬框,但係無論鏡形同埋品質,都冇當年主角丁蟹(鄭少秋飾)喺戲入面除咗戴過rain-drop形金絲框同眉架咁有味道。

 

2)「我方展博要發達」cassette機

呢廿年嚟,我哋已經經歷咗CD機、MD機、MP3機,甚至智能手電,但係90年代初cassette機仍然流行,《大時代》其中一幕,講方展博決心發達,除咗寫滿咗「我方展博要發達,我方展博要做億萬富豪」句子嘅筆記之外,重錄咗餅不停loop住呢句說話嘅cassette帶。

 

3)大熱民謠《紅河谷》

民謠嘅嘢我真係唔識,我淨係識《大時代》入面慳妹(周慧敏飾)成日唱嘅《《紅河谷》。方展博排除萬難同慳妹喺埋一齊,可惜天意弄人,伊人患有先天心臟病,最後出場一幕影住方展博喺山上攬住慳妹,佢手上攞住一條紅絲巾,響起《紅河谷》音樂,鏡頭一轉紅絲巾徐徐飄起,冇交待到究竟慳妹生死,雖然無論畫面同首歌都好老套,但係到今日睇,都令人戚戚然。

 

4)股票必勝法電腦解讀

而家所以電腦mon都係彩色,重要係LED,人人手上都有一部智能電腦!但係喺90年代,黑白色嘅電腦已經相當前衛。《大時代》其中經典一幕,股神葉天精神失常(羅樂林飾),方展博(劉青雲飾)向佢請教股票必勝法,念咗一首「貪心輸錢贏」嘅怪詩,方展博將首詩輸入電腦解讀,得出結論係,取勝唯一流,係及早離場,用而家眼光,個mon啲解象度同字體都相當old school!

 

 

5)五蟹花呔闊西造型

而家都興西裝紳士造型嘅,但係90年代流行花呔闊膞西裝造型,而家睇真係不敢苟同,丁蟹同4個仔每次出場都係咁着,最經典緊係五蟹跳樓嘅一幕啦。

6)交易員背心

由始至終,呢件紅色outer真心唔靚嘅,到而家港交所嘢交易員都係着緊呢件嘢,但係就好代表到《大時代》呢套劇,原來股票世界嘅dress code重來唔變。

 

7)紙飛機

你幾耐冇坐過喺公園?而家啲細路仔重識唔識摺紙飛機?睇怕都係全民低頭族,只係鍾意打機。方展博回憶兒時一幕,坐喺公園放到周圍都係紙飛機,唸起兒時朗誦嘅英文詩<Paper Plane>,令人懷念兒時玩具係幾咁單純,一張紙都可以玩一日,同埋原來當年劉青雲咁浪漫,怪唔得喺金像獎講得出太空船嘅比喻去多謝佢老婆郭藹明。

 

8)慳妹劉海髮型

不朽女神當年戲內戲外,都係梳一個劉海髮型,喺90年代最流行嘅髮型,令人回味。

 

9)丁孝蟹撻頭

而家男生興梳「撻頭」,但係廿幾年前《大時代》入面丁蟹大仔丁孝蟹(邵仲衡飾)已經梳緊,佢仲要戴副鵝蛋形金絲框眼鏡,各位學嘢啦!

 

10) 20蚊戒指

方展博父方進新(劉松仁飾)重係好窮時,用20蚊買咗玩具戒指俾羅慧玲(藍潔瑛飾)作為定情信物(老套情度拍得住罐裝汽水拉環),羅慧玲一直好珍而重之呢隻戒指,臨尾到佢中槍死嘅一幕,佢都係渣住,認真感人。

 

延伸閱讀:

香港誌上首合作 美少女戰士萬用收納袋套裝

威到冇朋友!minions有專屬黃色

YOU MAY ALSO LIKE ...

There are 2 comments

Add yours
  1. 新Monday / 神劇《大時代》去到邊都要睇, 神劇乜乜乜! - 新Monday

    […] >重溫《大時代》!10大舊時代集體回憶位 […]

  2. 新Monday / 重遊十大《大時代》經典場面,有幾多個地方你認得? - 新Monday

    […] >10大舊時代集體回憶位 […]


Comments are closed.