鄭裕玲

鄭裕玲Do姐激讚Gucci售貨員Service頂級 列4大犯眾憎型Sales行為!

潮流

廣告

鄭裕玲Do姐一向都有潮流觸角,日前在主持電台節目《口水多過浪花》時開咪大讚中環名店Gucci的其中一位售貨員。大讚佢除了服務夠晒體貼之外,其中一個行為更成功打動Do姐!隨後再與余迪偉、余德丞等主持一齊探討「服務業禁忌」,歸納出四個黑人憎行為!

鄭裕玲Do姐激讚Gucci售貨員Service頂級 列4大犯眾憎型Sales行為!

鄭裕玲
(圖片來源:[email protected]_do_cheng)
鄭裕玲 開幕當日,張曼玉、麥浚龍等都係席上客!
開幕當日,張曼玉、麥浚龍等都係席上客!(圖片來源:GUCCI官網圖片)

Do姐訪成億裝修Gucci 買鞋遇上優質售貨員

節目中,Do姐表示經朋友介紹到訪位於中環、近月裝修完畢重開的「意大利名店」,雖然她沒有說出口,但好明顯就係講緊Gucci,表示除了參觀近億元裝修的店面之外,亦打算去睇睇啲loafers鞋款,點知一入到去又唔係好多,有啲失望:「佢(售貨員)就話唔緊要,可以訂,即刻就畀我睇嗰啲皮,同埋嗰啲皮,有金扣有銀扣,佢話:『你著重37.5碼吖嘛?』呢啲就係好嘅Sales喇!」Do姐稱自己並非經常幫襯,與該位名店售貨員亦只見過幾面,曾款待過自己,但由於對方記得自己的鞋碼,所以笑言原本唔打算買,都會睇睇啲皮:「經驗老到,係成功嘅Sales!」

鄭裕玲 名店售貨員果然冧得掂Do姐示意圖)!
名店售貨員果然冧得掂Do姐(示意圖)!(圖片來源:韓劇《三十九》截圖)
鄭裕玲 Do姐啲鞋多到...其實有重複嘅!)
Do姐啲鞋多到…(其實有重複嘅!)(圖片來源:[email protected]口水多過浪花)

4大服務業禁忌

Do姐讚完名店售貨員之後,她與幾位主持人例如余迪偉以及余德丞等就開始探討「反面教材」,主要可以歸納為以下四點。

1)吊靴鬼咁跟到實

第一個弊病,相信大部分人都會有經驗,就係一入鋪頭,就有一位售貨員由頭跟到尾,不停向你介紹,幾乎拎起每一件貨品都要講解或推銷,Do姐表示:「我就係唔鍾意,一入到去就跟喺後面,我鍾意好優閒!」余迪偉再補充:「佢哋會話『埋鏡拼拼啦』,一定係懶音,『啱可以試喎』!」

鄭裕玲 潮語 孫慧雪在名店睇衫時,售貨員介紹時話:「呢個設計師係世一嚟㗎,你快啲試吓﹗」
跟到實,真係怕怕!(圖片來源:《愛回家》截圖)

2)用明星做賣點

另一方面,幾位主持又表示有不少售貨員會以「明星都有買」「明星都嚟睇過」作為一件貨品的賣點,尤其見於地產界。然而他們都表示對此很反感,表示每個人的購物準則都不同,亦不能夠因為某人有買/用就代表適合每一個人,迪偉更斥這明顯是「冇做功課」的行為。

鄭裕玲 潮語 KC聽唔明孫慧雪同林秀句對話中的潮語,最後因亂搭嘴引起很大誤會﹗
用明星效應作為賣點。(圖片來源:《愛回家》截圖)

3)意見唔夠中肯/Hea

提到交流方面,Do姐表示有時購物都會感到迷惘,所以會向售貨員問問意見,而且其意見不能夠不中肯:「如果佢畀嘅意見係唔OK呢,咁我就一對都唔買喇!」余德丞再具體補充,表示有曾經遇過一些售貨員,每一次貨品都只會話「幾好」「OK」,令到客人更加迷惘,此行為要不得!

鄭裕玲 永遠話好,留唔住客人嘅心!
永遠話好,留唔住客人嘅心!(圖片來源:《愛回家》截圖)

4)介紹親都係最貴

貴,就並不代表一定好,但做服務行業就切忌會以都向客人推介「最貴」的產品,余德丞就分享了很一次食西餐的經驗,當他向侍應提問推介時,豈料對方卻將餐牌上最貴的菜式作為推介:「唔肯定係咪最好食,總之就係最貴。」迪偉的經驗更離譜:酒樓都係咁,我嗌個例湯,你就知我咩價位啦,點知一嚟就鮑參翅肚!」實在好反感!

鄭裕玲 貴可能代表好,不過唔等於適合客人㗎!
貴可能代表好,不過唔等於適合客人㗎!(圖片來源:《愛回家》截圖)

撰文:東方新地圖片來源:《愛回家》截圖、[email protected]口水多過浪花、GUCCI官網圖片、[email protected]_do_cheng

YOU MAY ALSO LIKE ...