【冷帽戴法】唔怕似癌症病患!5招教你點揀點戴冷帽

【冷帽戴法】唔怕似癌症病患!5招教你點揀點戴冷帽

【冷帽戴法】寒流下嘅保暖衣物,除咗羽絨好易會變米芝蓮身型,保暖配件亦好易出事,亂戴頸巾會好似冇頸,最重要最重要,戴冷帽果陣稍一不慎,就會好似癌症病患,又或者畀人笑似笠咗個Condom喺頭。今次就為大家整合各種戴冷帽嘅重點,順便教埋大家點揀冷帽!

撰文: K.P.|圖片來源:Pinterest、網上圖片|資料來源:YouTube、plain-me|編輯:海月

【冷帽戴法】戴冷帽嘅3大重點:

1. 露耳是常識

第一大重點,一定要露出耳仔,不理係半露定全露,總知一定要露!如果將冷帽笠到盡,焦點就會完全擺咗喺五官,而普遍香港人嘅輪廓都較淺,好容易會扁口扁鼻咁款。露耳戴法一方面可以增強造型感,仲可以修飾頭部大細,甚至令五官更立體,絕對係重點中嘅重點!

圖片來源:plain-me
圖片來源:plain-me

唔怕似癌症病患!5招教你點揀點戴冷帽

除非係鬼佬有咁立體嘅輪廓,先可以Handle到將冷帽笠到盡!
除非係鬼佬有咁立體嘅輪廓,先可以Handle到將冷帽笠到盡!

2.露出額頭、瀏海

除咗露耳之外,露出前額亦係另一重點,而近年亦流行將瀏海露出,可以整齊咁擺一邊,亦可以塞入帽內然後拉高露出髪線,呢兩個做法都可以修飾或拉長臉部線條。不過如果閣下髪線太高,露前額會弄巧反拙似光頭,呢個時候可以改以露出髮尾或者鬢角,同樣都會有修飾面型嘅效果!

圖片來源:plain-me
圖片來源:plain-me

唔怕似癌症病患!5招教你點揀點戴冷帽

邊個話戴冷帽可以瞓醒Hea笠上頭?其實戴冷帽先更加要整靚啲瀏海或者髮尾。
邊個話戴冷帽可以瞓醒Hea笠上頭?其實戴冷帽先更加要整靚啲瀏海或者髮尾。

3.時刻維持冷帽帽型

呢個講法可能有啲空泛,但好多戴帽嘅人都會忽略呢樣嘢,其實無論戴5 Panel Cap、Snapback、紳士帽定冷帽,Keep住個靚帽型真係好重要,下面我會再教大家點去揀冷帽,但喺呢Part想教大家一個反摺嘅短版戴法,除咗可以同時露耳同露前額,變成短版仲會更易Keep住個帽型,尤其冷帽個三角型帽尾,喺視角上係有延伸嘅效果,同女人著高踭鞋會拉長腳線條嘅原理一樣!

 

圖片來源:plain-me
圖片來源:plain-me

唔怕似癌症病患!5招教你點揀點戴冷帽

近年興起將冷帽再反摺變短版,有修飾面型之用途!
近年興起將冷帽再反摺變短版,有修飾面型之用途!

兩大揀冷帽注意位:

1.Size切忌太窄

想冷帽戴得好睇,先決條件就係揀尺寸,太寬雖然都唔好睇,但都唔夠太窄嚟得大穫。睇睇下面兩張相示範,似泳帽不突止,老老實實簡直就好似笠咗個Condom喺頭咁!

 

唔怕似癌症病患!5招教你點揀點戴冷帽

圖片來源:Pinterest
圖片來源:Pinterest

2.質料要夠挺身

冷帽通常都係分為細線織成棉質,同埋粗線嘅羊毛材質,綜合上面嘅所有條件,香港人嘅面型輪廓都係揀粗線嘅羊毛料,因為相對會較為挺身,亦會較易Keep到帽型。

唔怕似癌症病患!5招教你點揀點戴冷帽

圖片來源:Pinterest
圖片來源:Pinterest

YOU MAY ALSO LIKE ...