余文樂晒古董Daytona 周杰倫寸等執二攤霸氣盡失

流行娛樂

廣告

余文樂經常以潮人自居,當年出道不久已經跟實一班富貴friend玩車,除咗愛收藏靚車,原來樂少一樣鍾意儲Rolex名錶, 日前佢在IG晒出一隻古董勞力士Daytona,留言話:「喜歡舊的感覺!」點知老友周杰倫就回應佢話:「你以後買東西,我先用,之後再給你!」畀周董寸等執二攤,余文樂呢啲算唔算自己攞嚟衰!

撰文、圖片:東方新地 |編輯:K.P(原文刊於:東方新地

余文樂收藏的Rolex由幾十萬到幾百萬都有

當年出道賺錢唔多,余文樂已經跟住一班富貴friend沈嘉偉、郭富城玩名車,近年成為潮流王,收入水漲船高,樂少手上名車愈玩愈豪,除咗靚車多,余文樂更加係勞力士愛好者,收藏的Rolex由幾十萬到幾百萬都有,呢啲身份象徵佢更是晒個不停。

日前,余文樂又再IG放出一隻古董Daytona,他興奮留言話:「喜歡舊的感覺!」

誰知老友周杰倫急不及待留言回應佢話:「你以後買東西!我先用!舊了再給你!」周董此話一出,即引來網民勁Like,不久已有成二千幾過Like!睇嚟真係好多人認同,周董寸得有道理!

畀周董寸完,余文樂還厚住面皮回應話:「我直接買舊的就可以!」

不過似乎畀老友寸,余文樂其實耿耿於懷,事關日前佢又再IG晒勞,不過今次樂少就專登留言話係新錶。「BRAND NEW 」好明顯係同周董示威,樂少真係小器咗啲喎!

余文樂近況外貌大走樣?

余文樂近日被發現人在日本被女粉絲野生捕獲,從照片中所見,不但左右臉明顯不對稱,大小眼十分嚴重,右眼明顯撐不大及下垂,單邊面由眼、蘋果肌以至嘴都特別下塌…詳情請看

余文樂品牌Madness為何倒閉?

余文樂成立的個人品牌「Madness」,成軍以來都不斷爆出負面新聞,更多次捲入抄襲風波中,更被死對頭陳冠希EDC嘲笑品牌為「SADNESS」及「COPYNESS」。之後品牌再被爆多次抄襲日牌Visvim、Wtaps、Neighborhood等等,令Madness慢慢步向沒落…詳情請看