再有YouTuber涉「Call G風波」JFFT米爺疑被爆大鑊網民：木哥想拆散JFFT!

Sep 7 2023

由肥仔、福正、阿奇組成的「光頭幫TomFatKi」簡稱「TFK」為香港獨立組合，憑《天水圍 Gang Gang》一曲為人所熟悉。8月4日TFK出現解散問題，仲大爆不少驚為天人的內幕如KOL肥蛙似足恐怖女友、福正自爆光頭幫齊「Call G」等。近日又有消息爆出有YouTuber「Call G」，疑為YouTube頻道JFFT成員米爺！

JFFT youtube頻道JFFT近年大受年輕人歡迎 — youtube頻道JFFT近年大受年輕人歡迎（圖片來源：ig＠jfft_justforfun）

良少女友木哥直播大爆JFFT成員「Call G」：去黃色架步

JFFT成員良少的女朋友木哥近日開直播時被問到如果良少「Call G」會唔會原諒等問題，木哥喺呢個時候大爆良少有「邪鬼同事」經常撩佢去「Call G」，無論係直播其間定係去泰國、日本旅行，更強調係無屈，直播有晒紀錄。木哥講到呢度仲扮埋該「邪鬼同事」講嘢的口吻「唉也今次去日本呀，不如去食返轉新地先，不如偷跳一波先，去泰國你唔係唔去黃色架步吓話師兄？」木哥強調真係每次去旅行都會聽到呢啲說話。木哥再被問到覺得點時，木哥就笑言嗰位「同事」一定自己好想去先，而絕大機會該「同事」係有經驗，因為想搵人陪佢。而在一旁的良少嘗試制止木哥「你好容易一句影響人哋個形象。」木哥本來回應叫良少唔好理佢，但後來就強調係個人意見，自己覺得。

JFFT JFFT良少女友木哥直播大爆料 — JFFT良少女友木哥直播大爆料（圖片來源：YOUTUBE@mu147cm）

JFFT jfft成員梁少同女友木哥 — jfft成員梁少同女友木哥（圖片來源：ig＠mu147cm）

觀眾一致認為係米爺良少阻止木哥再爆大鑊：會被人攻擊

觀眾聽完都覺得木哥所扮的「邪鬼同事」就認為係JFFT成員米爺，繼續追問「Call G」的事，木哥都繼續回應。良少再次忍唔住阻止「你講呢啲隨時俾人攻擊」、「你加咗個人意見就會被人攻擊」木哥就表示「只係講返佢直播講的嘢，咁咪攻囉」，良少就認為「你唔好再撩佢啲fans啦」木哥就表示「下，佢撩你去call g就得？」良少最後感慨「你會俾人大造文章」木哥都不以為然表示「咪講囉」2人開始有火藥味，木哥覺得良少有雙重標準，JFFT就乜都講得，但就要求佢個台保守啲，良少解釋只係唔想木哥被攻擊。觀眾都留言表示良少想保護木哥同兄弟啫。事後JFFT米爺IG回應事件，指係「失實」指控。