2024美食博覽︳YouTuber笑波子試食3大伏 網民大讚：勁老實良心foodie

2023美食博覽︳大排長龍雜錦鮑魚：似亂葬崗、海鮮墳場

深受年青人歡迎Youtuber笑波子最近去咗美食展，連出幾條片品嘗各種美食。最新一條就講到佢去到3樓，食「雜錦鮑魚」。點知一拎上手隻鮑魚有啲不明的殼喺上面，而且直言$30隻細鮑魚啲「呃秤」、普通，認為呢個價錢罐頭鮑可以食到3、4隻咁的size，同埋啲蜆殼同沙未清得夠乾淨，煮埋一兜搞到啲鮑魚都有沙，螺片上超多穀，笑言食完要入醫院。笑波子最後狠批呢個「雜錦鮑魚」似賣剩咗的食物為加強銷量清貨，好多海鮮都未清理乾淨，簡直如同「海鮮墳場」！

2023美食博覽︳照騙黑松露燒賣下限整到極致

笑波子再去1樓食黑松露燒賣，笑言同相片都幾大出入，認為張相應該喺「網上圖片」。笑波子試食完後表示「難以形容」，將黑松露同燒賣的下限整到極致，拎咗叮叮燒賣加咗啲黑松露粒拎去蒸就當係。其後職員似乎見到笑波子拍緊片，就幫笑波子「加料」，加多咗勁多黑松露，但笑波子都直言就算加多咗都係唔似張圖，不明黑松露點解係啡色，唔係黑色。

2023美食博覽︳請食肉鬆小貝 笑波子堅持要俾笑

笑波子去到一檔賣「肉鬆小貝」的攤檔，職員表示請笑波子食，但笑波子都堅持要俾錢指「要俾錢，你做生意架嘛」，令網民大讚其行為，對比其他好似下下老奉要人請咁foodie，真係foodie清泉！

2023美食博覽︳請食關東煮要講兩句：「海帶散」「魚蛋靭」

笑波子再食「新鮮出爐鮑魚撻」，點知一擺入去就指個鮑魚係凍，不明點解強調「新鮮出爐」，而且好油好腍！再食店員請的關東煮，特別要度笑波子要點評兩句，笑波子一食完就大爆「海帶散」「魚蛋靭」！網民睇都表示笑波子真係完全唔比面，夠「吉士」，真係香港良心「笑波子夠老實呀」「Respect 夠真心」！

去片：

大家去咗未？