YouTuber托哥去美國最恐怖市中心拍片！條街勁臭勁多「喪屍」

托哥探訪舊金山形容好似「地獄」

YouTube頻道「Torres Pit托哥」最近上傳咗一條叫「美國加州最恐怖市中心 華人為什麼還不離開?」的影片，內容曾被譽為美國西岸的文化同金融集中地的舊金山（三藩市），今日市區面貌竟然仲差過發展中國家？形容社區已去到崩潰邊緣。托哥搵嚟一位就住喺美國加州舊金山的好友Henry帶佢前往舊金山一探究竟，佢呢位好友Henry都表示佢要趕快搬走，形容舊金山好似「地獄」同埋「動物園」咁，因為喺屋企望落樓下好多「喪屍」，難以想像旁邊繁榮的金融大廈旁竟然會咁惡劣。

隨街大小二便：成條街好臭

托哥同佢好友入去舊金山食午餐時，托哥表示成條街好臭，形容街上的人到隨街大小二便，全因為該社區流行一種致命藥物，令到啲人難以控制排泄。

唐人街華人習慣成自然流浪漢肚餓就搶嘢食

接著托哥又同好友前往舊金山唐人街，問住喺舊金山唐人街的華人有咩睇法，大家都有種習慣成自然的感覺。一位生果檔的婆婆表示有流浪漢嚟搶水果，就咁拎起咬啖就走。不過婆婆就表示都會請流浪漢食「難道把流浪漢餓死嗎」，而問到婆婆鍾唔鍾意美國生活時，佢就表示年輕人喜歡就好。

網民：「這是人的生活嗎？簡直無法想像」

唔少網民睇完都表示誇張，覺得舊金山真係好似地獄咁「估唔到一線城市會墜落成咁」「這是人的生活嗎？簡直無法想像」「怎麼跟電影裡演的不一樣?!」「美國街頭讓人直接變成喪屍」「终於明白外國為何可以有喪屍的题材，原来不是靠想象或創意，而是靠現實看到的」「佢講嘅嘢係真，但唔使理啲流浪漢就得，打刧店舖唔好反抗就無事，你反抗整傷佢，你會好麻煩。」

網民感慨10年前明明係漂亮乾淨的海濱城市

有曾經去過的網民留言2001年時舊金山係「漂亮乾淨的海濱城市，有非常美的建築好吃的各國美食跟好的天氣，每天下課沒事我都會在市中心徒步到處逛逛，沒想到現在的舊金山變成了這樣，這讓我十分難過」「曾幾何時三藩市都係一個繁榮嘅城市」亦有網民對當地華人感到好感觸「賣水果的婆婆那段讓我好有感觸」「看了老人家的回答心都酸了」

一齊睇片：