YouTuber大J暗寸Sunny：麻煩唔好將我同啲騙子相提並論！
廣告
已經移居日本的YouTuber 大J Jason，由於近日太多YouTuber與KOL被狙擊的關係，他決定再次提起以前他幫日本災情去眾籌的證供，並在字裡行間不斷暗寸近日因為NFT與淘寶事件被指「呃錢」的另一位YouTuber Sunny。
YouTuber大J暗寸Sunny：麻煩唔好將我同啲騙子相提並論！
YouTuber大J昨日（10日）於Facebook上面出post，開宗明義直指：「講明先，我唔係聖人，我都成日做錯野講錯野╴但麻煩唔好將我同啲騙子相提並論。」，此番說話被網民認為是在映射近日因NFT與淘寶事件而被圍插的Sunny。
再次回帶眾籌
大J再次帶一眾觀眾回帶，三年前他為到日受風災去眾籌，當時籌得款項為$106萬4524港幣，扣除網站手續費為$105萬3500港幣。大J表示：「成百萬經我手，我都係一毫子都唔會貪你嘅人，你可以唔相信，但呢個係事實。」。之後他再於留言區補充：「如果我有做過任何真係PK嘅事，一早就已經比網民圍毆到我死啦，仲可以係香港網絡生存10年？」。
「唔好當我係騙子」
有網民不解大J出其Post的目的在哪裡，他就回應指：「純粹只係啲人講啲騙子嘅時候，將我歸入同一類。」，看來是與近日Sunny發生的風波有可能有關係。之後網民又再提及大J之前發起關於「食沙律」的30萬籌款計劃，有網民就撐大J指出post用意是表明連$100萬都沒有貪，更不用貪「食沙律」的30萬。
疑影射Sunny？
而疑似被針對的另一位YouTuber Sunny近日都有上水拍片道歉，當時他回應概關問題時又再提自己準備計劃搞NGO，又再次被網民插爆。有網民就認為Sunny最後的目的都是為「賺錢」，所以一定不能原諒。
圖片來源：Facebook@Jason-大J，YouTube@ArhoTV
