YouTuber暗網仔被指拍片為屎萊姆洗白 網民：歡迎加入屎家軍！

YouTuber暗網仔被指拍片為屎萊姆洗白 網民：歡迎加入屎家軍！

近日，YouTuber暗網仔在拍攝「網絡人物傳奇」主題中，以香港YouTube界被封為「過街老鼠」的屎萊姆為受訪對象，其影片以「【屎家軍2.0】屎萊姆的危險利益集團基地做臥底!」為題，當中暗網仔會跟隨屎萊姆3日的，去了解其每一日的工作。

3日潛入做屎家軍臥底

影片中暗網仔指會用3日的時間成為「屎家軍」的臥底，先是令其放下戒心，然後再潛入屎家軍，最後再入埋對方屋企。在影片中暗網仔以偽紀錄片手法拍攝，當中希望能夠以影片睇到屎萊姆有「利益輸送」的情景出現，不過可惜整體10分鐘的影片中都沒有見到所謂的「利益集團」及「利益輸送」。

不斷幫對方打「苦情牌」

在影片的表達中，暗網仔都有意無意地拍攝出屎萊姆在近年因為公關災難下而生活潦倒的一面，更且更因為收入低微要走去打工。在暗網仔跟隨屎萊姆的一個party上可見，其力證屎萊姆份人對朋友都好好，冇咩利益關係。整條影片都尤如打「苦情牌」，為到屎萊姆的公關災難洗白。其後兩人更是合拍一條煮嘢食的影片，暗網仔更在事後表示「唔知係唔係廣告」，去洗清自己的嫌疑。

網民鬧爆：好玩唔玩，玩屎！

影片一出就令暗網仔受到網民同Fans的圍攻，直指「唔怪之得你條片同世界佬個理念咁 一致啦，歡迎加入屎家軍，估唔到而家都仲有新成員」、「今鋪真係好玩唔玩，玩屎」、「多謝你一路以嚟嘅付出，可以搵定新工了。」，仲有網民建議下集就做Sunny哥哥！

再出片澄清自己為「中立」

之後暗網仔在於Channel上出片，以「暗網仔, 回應屎萊姆洗白事件」為題，與蝦條哥對話，並在對方的問題下澄清自己是「中立」，並非有特定立場。

睇睇佢點講