YouTube︳熊仔頭FHProduction十週年騷 粉絲睇完:十年Channel真係沒落!

流行娛樂

廣告

YouTube頻道「熊仔頭FHProductionHK」可謂係香港元老級youtube頻道,由10年前開始拍片到現今,youtube頻道有成660k人訂閱,亦捧出唔少熊女郎!最近FH於麥花臣大搞一連兩場十週年騷,就算撞期Mirror演唱會,都吸引唔少人捧場,仲話難搶過Mirror!不過近日就有老粉絲睇完表示想回水,更指FH真係要沒落!

熊仔頭
(圖片來源:ig@fhproductionhk)

粉絲睇完覺得極失望無劇情純粹緬懷過去

昨日(28日)「熊仔頭FHProductionHK」一連兩埸十週年騷「FHProduction十週年派對」完滿落幕,不過就有一位粉絲於討論區發起一個「對熊仔頭十週年show好x失望」的討論。內容首先指本身期待舞台劇中有戲劇元素,點知每一個轉場都無連貫性,無劇情可言,只係純粹緬懷過去十年的大事回顧。

熊仔頭
(圖片來源:ig@fhproductionhk)

「賣女」都賣得無質素 感言時段勁無聊

FH經常被指「賣女」,但今次粉絲睇完,話連「賣女」都賣得好無質素,特別係跳舞表演,甩steps又唔齊,認為要多啲時間練習。另外仲有一part係全部人一齊講感言,直指「悶x到x街」認為無事先準備稿,臨場發揮得唔好,全個show兩個鐘,單係感言已用咗差唔多半個鐘,感覺好似浪費時間。

熊仔頭
(圖片來源:ig@fhproductionhk)
熊仔頭
(圖片來源:ig@fhproductionhk)

熊仔頭仲玩緊十年前嗰套 所謂革新只係「換湯不換藥」

最後斥熊仔頭仍玩緊十年前的嘢,取笑女仔身材、膚色等,表示「笑x咗咁多年,講真班女唔嬲我都厭,其實笑啲嘢膚淺唔緊要,但問題係完全冇新意,旁人聽落都尷尬」總括以上問題,粉絲表示真係覺得自己睇咗的十年channel要沒落,仲話希望可以回水!雖然早前貌似革新推出的「熊館、FH氏家庭」等有新鮮感,但直斥感覺只係「換湯不換藥」,認為熊仔頭「依然係當個channel係私人平台,完全冇用管理一間公司嘅模式去營運。」

熊仔頭
(圖片來源:ig@fhproductionhk)

網民:真係好老土 你唔煩我都厭啦!

唔少網民睇完都表示認同「唔好咁大期望會無咁失望」「好老實講 沒落咗好耐」「直頭冇諗過要買飛」「原來仲有人睇」「唱歌跳舞真心似中學天才表演」「同埋竟然仲扮緊少林足球,我真係頂唔x順,熊仔頭永遠都走唔出扮周星馳呢個框框」「開始吹奏個+盈mk妹已經知佢山窮水盡」「小薯茄個Show應該會正好多,起碼班人會認真看待」「少林足球呢幕我真係覺得老套到冇得再老套」「熊仔頭人生都係得溝女,你唔煩我都厭啦」

FH熊仔頭新片疑似曝光真樣?

YouTube頻道FHProductionHK 的「熊仔頭」向來拍片出名都是帶頭套不露樣子。有網民發現FHProductionHK新上載的影片,疑似意外曝光「熊仔頭」樣子(附圖片)。

網民對「熊仔頭」疑似真樣有什麼看法?

不少網民看到疑似「熊仔頭」的樣子後,紛紛表示「個樣似…詳情請看

圖片來源:ig@fhproductionhk