Yanny陳穎欣被吹奏為「當代最美女星」：唔使整色整水都夠晒靚

Yanny陳穎欣被吹奏為「當代最美女星」：唔使整色整水都夠晒靚

今年33歲的Yanny陳穎欣，近年都積極轉行成為KOL之路，加入當紅YouTube頻道「試當真Trial & Error」成為其成員之一，同樣亦是古天樂「天下一」公司的成員之一。而她的顏值亦沒有隨著年齡而降低，反而係越大越有魅力，無論係咩造型及妝容都能夠輕輕鬆鬆Carry得到！

Yanny唔使整色整水都靚

近日有網民於連登以「Yanny 陳穎欣算唔算證明，你係靚女唔使整色整水都係靚？」為題的討論話題，當中附上了數張在「試當真」開直播時的截圖，形容Yanny無論是平時出席活動時的「Full Gear」又好，抑或是普普通通穿搭化個淡妝，同樣係一名靚女。並認為其存在印證了只要是靚女，基本上點打扮都會散發出「靚女」特質。曾經更有網民吹奏過Yanny，認為她是當代最靚的女星存在。

成時尚品牌寵兒

Yanny平時都會在IG上傳不同風格的穿搭以及街拍照片，可見其對於個人穿搭都有一套個人理解。而且因為擁有姣好的臉蛋，不時成為各大時尚品牌的寵兒，並在不同活動上都能夠見到Yanny的身影。有網民都希望Yanny能夠再次經營自己個人的YouTube頻道，去分享私下生活以及自己的另一面。

唯一小缺陷

不過亦有網民認為「上帝係公平」，賜了如此美麗的臉蛋給Yanny後，但其聲音就沒有去到太好聽，聲音都會帶點沙啞以及小小「老牛聲」。亦有網民認為Yanny每次笑時都會「好炒車」，但只要淨係睇樣的話，仍然係冠絕全港，為「典型靚港女樣」。