Winka@Collar突發攞膽J圖 網民：大癲！流晒鼻血
廣告
參加《造星IV》繼而被選中入女團COLLAR的Winka陳泳伽，今年24歲，在COLLAR之中除了是「長氣擔當」仲係「實力擔當」，唱功絕對屬於隊中上線，一向唔賣性感賣cutie的她，今日突發在instagram出post，捉緊夏天的尾巴遊船河玩水，今次仲激罕po了動作大膽J圖，網民狂嗌噴血。
船河晒腹肌 動作夠吸睛
向來最多只行小性感路線的Winka，今午在instagram分享遊船河照片，寫道：「3.2.1. GO !!!!!!!太耐冇玩呢啲有小小高度既野 人真係會細膽左！但玩完後 其實係唔可怕的！！！」穿著墨綠色三點式，仲要係中空泳衣已謀殺唔少目光，Winka更毫不吝嗇擺透人自摸pose，一排苦練的腹肌同樣吸睛，網民睇完嘩一聲，狂留言：「咁索得唔得㗎」、「不可以色色」、「噴血有冇血十字會嚟收血」、「犯規」和「好正已經貧血」等等。
非參加《造身IV》出道
在參加《造星IV》前，Winka其實已是獨立歌手，她不時在社交平台cover別人的歌，亦有推出個人歌曲如《Cupid-19》及《無名》等，Winka參選《造星IV》時，在96強淘汰賽中，與另一參賽者Ash的「天籟之音對決」中，以優美聲線和紮實唱功擊敗Ash率先晉身60強，當時更被花姐睇好，及後表現亦非常穩定成功殺入總決賽。
單親家庭成長有擔帶
Winka在單親家庭長大，與母弟相依為命，她自小被栽培學習唔同舞蹈，如芭蕾舞、西班牙舞和拉丁舞等，中學時期加入學校合唱團，開始參加歌唱比賽，中五時，Winka媽媽因情緒不穩而入院，當時她充當起家姐的責任，獨力照顧弟弟，放學再在甜品舖兼職幫補家計，惜最後忽略了學業，中五時退學並棄考DSE，一心在歌唱事業上發展，幸而最終都成功加入COLLAR算是目標達成。
圖片來源：winka_chan@ig
