Winka陳泳伽不滿被指消費前度與網民對罵將經理人、前度對話公開惹爭議

Mar 27 2023

COLLAR陳泳伽Winka近日宣傳首支個人單曲時，自爆與拍拖六年圈外男友分手，聲稱再見亦是朋友，前度更繼續擔其歌迷會會長一職。被網民不停爆料兼指消費前度，Winka親自為自己平反，更與網民開火互罵，又把留言cap圖與大家分享，更連跟經理人阿Wing的WhatsApp對話都cap圖大公開，轉頭秒刪，有指彈弓手是因辣燢經理人，行為過晒火！

陳泳伽陳泳伽Winka近日為個人單曲宣傳時透露六年情告終，原來去年六月已分手！ — 陳泳伽Winka近日為個人單曲宣傳時透露六年情告終，原來去年六月已分手！（圖片來源：IG＠winka_chan）

陳泳伽Winka：你又唔係我嘅前度！

陳泳伽Winka日前在社交網將自身愛情故事寫成散文，卻原來去年6月已分手，有網民不滿Winka把與前度的愛情故事，去消費前度以宣傳新歌，惹起網民熱討，亦有網民批評她組女團後便嫌棄男友，又有網民爆Winka拍拖時好霸道，要求男友隨傳隨道，有一次因男友接載波友，在車內開擴音器，Winka以「無謂人」形容其波友，要求男友即去接載她和《造星》朋友，因而令全車都聽到Winka的對話，連日不停被爆料。Winka發千字文為自己平反，「先放下嘅人唔代表唔捨得同難過，而你唔係我前嘅前度，你知道同了解嘅不多…」

陳泳伽 Winka被指是Collar中的「唱歌擔當」，故又被封為「女版柳應廷」、「女版Jer」。 — Winka被指是Collar中的「唱歌擔當」，故又被封為「女版柳應廷」、「女版Jer」。（圖片來源：IG＠winka_chan）

Winka與民開火！網民留言cap圖大公開

Winka陳泳伽對每亠個留言都好着緊好在意，在三百個留言中，支持她的都畀like，但對負評更上心，親自留言還擊，更逐一將開火留言cap圖並分享。有網民指「又係佢話要同前度要保持適量距離，宣傳新歌時就消費前度，用利用埋人哋，繼續幫佢搞歌迷會，紅左又唔要人」，Winka即反擊：「乜原來我紅咗？多謝你！」有網民留言：「拋棄糟糠唔只形容男人，好高騖遠人之常情，只能夠講呢個世界係咁現實」，Winka即還拖：「are you ok？睇嚟係你嘅親身經歷」、有網民重提她是單親家庭，「當年全靠從事金融業男友支持，而家自己有能力就唔要人。」Winka發火：「你話單身家庭係咩意思？」、「鬧還鬧呀，唔好講到我家庭嗰邊先，單親家庭有咩問題？」繼續與民開火！

陳泳伽 Winka被狠批EQ低！ — Winka被狠批EQ低！（圖片來源：IG＠winka_chan）

公開前度、經理人、細佬對話作人格證人！

Winka陳泳伽更貼出前度、細佬和經理人Wing與她的WhatsApp對話cap圖直出，前度安慰Winka不要在意網民民留言，Winka把前度對話公開並寫道「Haters gonna hate !」而經理人Wing的對話亦被Winka公開，不過卻又刪除，有指Winka行為太過火，Wing不滿私下對話被公開，認為Winka失控，影響團魂！Winka知衰所以秒刪，但有網民嘲：「睇佢忍得幾耐，轉頭又去同人鬧交，影衰晒COLLAR」、「Wing真係頭痛」、「SoChing都唔會消費阿Mo啦，Winka學下人啦」、「條女又沉唔住氣喇」、「咁低EQ點做藝人？不要直接退團啦」等。