ViuTV口罩小姐原來咁多KOL！Staycation群組「半島港女」都入圍！

撰文：東方新地 ｜圖片：ViuTV、minaywm IG｜編輯：海月｜原文刊於：東方新地

落選港姐 Mina 轉玩口罩小姐

就咁睇Casting，都知呢個「口罩小姐」選美節目唔簡單，唱歌、跳舞呢啲基本嘢唔講，吹木童笛、摺紙技能簡直係走在潮流嘅尖端，《最後一屆口罩小姐選舉》由3月22日起，星期一至五晚9點半，宇宙天團ERROR將會「全方位」考驗佳麗，無樣睇唔俾你先入為主，用才藝一決高下，爭奪「最後一屆口罩小姐​」榮譽！

口罩小姐 ＝ 落選港姐KOL Mina Yeung

40強之中，包括港女KOLMina Yeung（楊慧敏），本月初呢位KOL在個人IG都有隱晦分享參賽心情：

話說而家拍緊一個電視節目📺
從一開始好害怕再上電視，慢慢開始投入同享受同其他人交流，到而家直頭係唔捨得佢完🤣
好驚訝自己係心態上嘅變化
呢個圈子係好複雜，但其實都可以好簡單
都係自己選擇嫁姐～

楊慧敏 曾參加「半島酒店Staycation 」極速被認出

去年10月有港女KOL在Instagram上撰文，表示自己生日當天在半島酒店套房中籌辦了一場「夢幻生日派對」，邀請了20幾人到房間內一同慶祝。不過，酒店疑似發現她們觸犯「限聚令」和酒店規矩，因此，酒店職員每隔一小段時間就按門鈴提醒他們要立即離去，迫得多位朋友陸續離開，讓這位港女KOL相當不滿，更大歎「有錢都唔會再光顧」！ 她及後引述新聞，指酒店根本不屬「限聚令」的管制範圍，反斥「半島酒店不容許晚上12點前有多於4+guests（4位以上訪客），規矩確實有點嚴苛」。

而參加次口罩小姐比賽的Mina Yeung，就係企喺女事主左邊，打咗格都非常易認：

睇返資料，Mina在2019年參選過港姐，當時報稱係2016年度香港小姐競選冠軍馮盈盈嘅「同系師姐」（HKU 食物及營養系），大佢一年級，參選結果就好唔同。

參選之前，佢做過國泰港龍航空空姐同傳訊工作，亦一路兼職模特兒。入唔到十強亦入唔到TVB，但原來早在2016年佢曾經在 ViuTV節目《Full Speed Girls》 第20集演出⋯⋯

ViuTV口罩小姐其他Youtuber入圍名單：

1.《試當真》阿慈

2. 哈比人KOL寶欣

憑對眼都認得出、主持過ViuTV節目，155cm嘅哈比人網紅，就係IG有近3萬follower的KOL 寶欣！

相關文章：KOL菲律賓浮潛摸鯨鯊 網民睇片cap錯重點

3.啱Channel「米露迪」參戰

有啱Channel 混血肥仔留言加持，「米媽」票數輕易過千，網民表示鬥大波贏晒！

4.「MY叔」Myrilla 李文意

5.籃球女神方泳琳

相關文章：方泳琳 LamLamJessie「籃球界陳妍希」| 香港靚女運動員系列