Tyson Yoshi被誤認MC求合照網民：係咪要「除罩」先分到

Jul 17 2023

Tyson Yoshi（程浚彥）個性率直，曾在個唱跟歌迷以粗口親切互動，對住林家謙都是以三字經回應，為人又real又true。近日Tyson喺社交平台Threads分享自己搭Uber時被司機誤以為係MC張天賦，情況搞笑。昨日（17日）剛好Tyson同MC又一齊工作，2人即拎返件事搞笑互寸，被網民大讚Tyson性格好！

Tyson被Uber司誤認係MC求合照：氣氛極尷尬

Tyson Yoshi近日喺社交平台Threads分享自己搭Uber時的趣時。事源Tyson當時正在搭Uber，一上車個司機超興奮，然後表示自己有個女仔朋友好鍾意佢，成日對住佢啲poster影相，然後講足2、3分鐘，Tyson都一路表示多謝支持以及表示可以影相留念等，點知司機爆咗句「x！我真係發夢都估唔到我可以車到張天賦！」Tyson表示當時情況真係尷尬到極點，最後佢都有同司機講返其實佢唔係mc，雖然都有人話過佢2個好似樣。

Tyson Yoshi 原文 — 原文（圖片來源：Threads＠Tyson Yoshi）

Tyson、MC同場工作 2人玩嘢互動勁爆笑

發生事件後的昨日（17日），Tyson同MC剛好同場工作，2人不但無尷尬，互動仲超爆笑！2人不斷叫對方做自己個名，表示希望同對方合照「呢個咪tyson！」「張天賦？」「我可唔可以同你影張相，你唔介意架可？」

Tyson Yoshi MC玩嘢影住tyson表示見到張天賦 — MC玩嘢影住tyson表示見到張天賦（圖片來源：IG@mcheung1201）

Tyson Yoshi tyson又影住mc話要同「tyson合照」 — tyson又影住mc話要同「tyson合照」（圖片來源：ig＠tysonyoshi）

Tyson Yoshi 2人互動被網民大讚 — 2人互動被網民大讚（圖片來源：ig＠tysonyoshi）

Tyson Yoshi gigi都同場，仲交換左人 Tag — gigi都同場，仲交換左人 Tag（圖片來源：ig＠gigicheung）

網民：學吓吳卓羲反應連登仔都大讚Tyson性格正！

Tyson的post引來唔少人熱議，就連edan同Gareth T都留言「我前排拍mv都俾人認咗做洪嘉豪」、「唱幾句記憶棉嚟聽吓」。亦有唔少網民都十分驚訝表示，司機竟然分唔到Tyson同MC，認為2人相差甚遠「2個差好遠」、「完全唔似，點解分唔到？」、「大隻勁多」、「應該係記錯名姐？認得個樣既其實」、「口快up錯名，Tyson Yoshi咁大波無理由認錯」、「最多會認錯AK」。不過都有網民認為係有啲似，特別係帶咗罩「帶左口罩有啲似，唯有靠對奶分」、「著咗衫認唔到波」。有網民就叫Tyson學吓吳卓羲反應。除此之外，連登仔就呢件事都大讚Tyson性格好「Tyson咁nice」、「佢啲歌唔係我杯茶，不過個樣咁惡但性格9下9下好得人鍾意」、「睇佢上JFFT先知原來佢咁正」。