Tyson Yoshi女友Christy被評擊醜樣似「靚版馬蹄露」女友大方回應 男友霸氣護花

「靚版馬蹄露」

Tyson Yoshi與女友Christy拍拖4年，十分恩愛，Tyson Yoshi成名曲《Chirsty》亦是為女友度身打造，非常浪漫。近日Christy IG放咗一條素顏教化妝嘅影片，有網民留言指佢似「靚版馬蹄露」，引發網民喺討論區討論！。唔少網民都認同Christy外表一般：「最尾揸酒杯個張已經P細咗個下巴，最新個Post愈後愈先恐怖」「有錢仔都要食埋晒啲粗嘢」「有自信嘅女仔真係好得人驚」「對眼好似唔多掂」「真係好樣衰」「細眼+鞋抽，次次影相都影隔面」「由左眼搭車去右眼都要半個鐘」「化妝既威力好強大」「典型肥樣」「Christy素顏同化左妝都係咁q樣衰」

Christy大方回應

雖然Christy外貌有唔少負評，不過圖中可見Christy回應都超大方，笑住多謝網民，亦有網民撐Christy！「真心，關你事咩，現實中人地根本唔會望你條毒x一眼，連討論既價值都無」「但係佢可以令到Tyson 生性wo!」「佢最尾果張回覆算幾得體」「欣賞佢條女有內在美」「馬蹄露身分一定係留俾Channel，Christy行開d啦」Christy IG都唔少網民留言支持！

Tyson Yoshi霸氣護花：我鍾意就得！

Tyson Yoshi知道女友無故俾網民攻擊後，即喺直播爆粗加護花，直言：「好樣衰？咁點啊，我鍾意啊！出名就要被人鬧？佢哋論點係討論區可以討論好多嘢，但保護身邊人都做唔到，點做男人！」不少網民都表示欣賞Tyson Yoshi！「有Tyson出到聲幫口已經勝過千言萬語」「港版Will Smith」「想睇Tyson摑連登仔」「支持tyson」「真心Christy靚過好多港女啦」。Tyson Yoshi仲po出舊歌冧女友，真係sweet爆！

獲得不少網民支持。