Tyson Yoshi 演唱會勁騷肌網民嘲只係好普通其實唔好睇？！

Q: 網民對Tyson Yoshi身材有什麼看法？

有網民就Tyson身材發文，指以Tyson比例操太大隻就過咗火，現時身材亦只係普通人眼中嘅... 詳情請看

Q: Tyson的演唱會有什麼特色？

Tyson每次嘅演唱會，都毫不吝嗇地... 詳情請看

Aug 10 2022

有留意香港樂壇的話，相信對Tyson Yoshi（程浚彥）呢個名唔會陌生，佢可算係近期人氣極高嘅音樂創作人之一。本月5至8日Tyson Yoshi係九展舉行《MY NEW WORLD ORDER》演唱會，Tyson每次嘅演唱會，都毫不吝嗇地除衫大騷肌肉，今次亦不例外，一開場已經除衫騷肌，引爆舞台同各大社交平台！但亦相繼有網民發文嘲Tyson只係普通人眼中嘅大隻，並指Tyson身形唔好睇？！

Tyson Yoshi 本月5至8日Tyson Yoshi係九展舉行《MY NEW WORLD ORDER》演唱會。 — 本月5至8日Tyson Yoshi係九展舉行《MY NEW WORLD ORDER》演唱會。（圖片來源：IG@tysonyoshi）

Tyson Yoshi Tyson向來有操練身形。 — Tyson向來有操練身形。（圖片來源：IG@tysonyoshi）

網民：話Tyson Yoshi身材好睇嘅人係咪盲？

上月剛過28歲生日嘅Tyson Yoshi 本月係九展嘅《MY NEW WORLD ORDER》演唱會未開Show已經聲勢浩大，加上開Show後Tyson大方曬肌，引爆台下Fans之外，關於Tyson嘅福利圖亦係各大社交平台引起回響。但亦先後有網民發文指Tyson身材不外如是，尤其腹肌不够吸晴，歷來大把男明星操得比Tyson正，更嘲覺得Tyson身材好睇嘅人係咪盲？！發文引來不少持正反意見嘅網民討論。

Tyson Yoshi 有網民以「話Tyson Yoshi身材好睇嘅人係咪盲？」發文。 — 有網民以「話Tyson Yoshi身材好睇嘅人係咪盲？」發文。（圖片來源：LIHKG討論區）

Tyson Yoshi 發帖網民亦嘲Tyson無腹肌。 — 發帖網民亦嘲Tyson無腹肌。（圖片來源：LIHKG討論區）

Tyson Yoshi 發帖嘅網民更用張家輝等明星嘅騷肌相同Tyson做比較。 — 發帖嘅網民更用張家輝等明星嘅騷肌相同Tyson做比較。（圖片來源：電影《激戰》劇照）

Tyson Yoshi 彭于晏亦係網民作比較對象之一。 — 彭于晏亦係網民作比較對象之一。（圖片來源：電影《激戰》劇照）

Tyson Yoshi 有網民認同Tyson身材操得未夠好。 — 有網民認同Tyson身材操得未夠好。（圖片來源：LIHKG討論區）

Tyson Yoshi 有網民指重點在於Tyson有胸肌。 — 有網民指重點在於Tyson有胸肌。（圖片來源：LIHKG討論區）

Tyson Yoshi 亦有網民指網民Tyson已經不錯，無須同更好比較。 — 亦有網民指網民Tyson已經不錯，無須同更好比較。（圖片來源：LIHKG討論區）

網民稱Tyson身材只係符合普通人審美

另一邊廂亦有網民就Tyson身材發文，指以Tyson比例操太大隻就過咗火，現時身材亦只係普通人眼中嘅有型。發文一出同樣引來唔少網民討論，有不少網民表示認同，主要因為Tyson唔算高挑，認為操得身形太橫返而越顯矮。亦有網民指因為Tyson本身身型比例就未算好，所以點操都唔會理想。同樣都有網民指Tyson腹肌未够出眾，全身比例亦屬於體脂高，唔算操得fit。不過有大部分網民認為Tyson身材已經不俗，相當吸睛，毋須要求太高。

Tyson Yoshi 網民就Tyson身材發文，指Tyson現時身材亦只係普通人眼中嘅有型。 — 網民就Tyson身材發文，指Tyson現時身材亦只係普通人眼中嘅有型。（圖片來源：LIHKG討論區）

Tyson Yoshi 再有網民挑剔Tyson身形未夠完美。 — 再有網民挑剔Tyson身形未夠完美。（圖片來源：LIHKG討論區）

Fans最受落 Tyson演唱會一半時間無著衫騷肌

對於Tyson身材係咪完美似乎各有見解，但對於fans而言，絕對足夠吸睛。早前 Tyson Yoshi 聯同姜濤、柳應廷（Jer）、林家謙合作演出《拉闊音樂會風火雷電》，Tyson突然於台上除衫，大騷肌肉已經引來驚人哄動。對比當時嘅限時福利放送，今次一連四場嘅九展演唱會《MY NEW WORLD ORDER》Tyson毫不吝嗇大方騷肌肉，基本上每場都有一半時間無著衫騷肌，演唱會上亦會播出Tyson於開騷前特意操肌嘅特訓過程，引到台下fans尖叫不斷，令到演唱會場面更墟冚。