TVB公布2021全年業績蝕6.47億 持續虧損4年 曾志偉嘅改革都搞唔掂？

2021全年業績蝕6.47億

TVB劇集近年愈來愈唔收得，面對對台ViuTV競爭相當激烈，收入減少，蝕錢嚴重，疫情時仲因多個藝人中招，形成TVB拍劇群組，以減少大規模病毒傳播而停廠，每日損失約200萬！昨日終於公布2021年全年業績，雖然電視廣播業務有持續恢復，但終究蝕成6.47億，虧損再創新高，已經持續4年都係虧損情況，曾為最佳長揸股之選TVB再次無息派！

重溫拍劇群組：TVB多個藝人中招 因停廠疑每日損失過百萬 未來真係無電視睇？

重溫TVB抗疫政策：曾志偉擬推無綫「閉環式」工作空間 藝員議論紛紛馬國明、陳煒各有意見

曾志偉改革無改善？

曾志偉躍升為節目內容營運總經理後，推行不同改革、創新節目，啱啱仲出遊戲節目《講你都唔信》，歌唱節目《星夢傳奇》仲搞得有聲有色，成功創立女團After Class，吸納唔少fans！早前無綫先復辦380圍盆菜宴，一切睇落好似有好轉。可惜報告中雖然電視廣播業務持續恢復，但多個因素令TVB仍持續虧損，明顯就算收視升高並不能救業績！如果TVB再繼續惡化落去，以現今呢個燒錢速度，亦無好轉、改善，心水清嘅網民都表示前境不樂觀：「疫情幫咗佢地好多啦，不過廣告商依然少」、「TVB唔同Youtube，最緊要係廣告同收費服務，收視高都唔會有錢分！」、「再落就要變亞視！」、「政府應該會幫手掛？」、「印度電視台係無人睇架啦」。

有唔少網民因為TVB而第一次睇業績報告同埋發現原來對TVB仍然非常關心。