tvb

TVB推出8款藝人NFT公仔 改獨特花名 網民:送都唔要!

流行娛樂

廣告

不少圈中名人甚至KOL近年都大搞NFT,而最近TVB都跟起呢個潮流,聯同網易娛樂、邵氏兄弟大搞藝人NFT公仔!呢個系列除咗別具風格之外,仲幫8位藝人改上唔同的花名,非常有心思!

tvb推出8款藝人nft公仔 改獨特花名
(圖片來源:weibo@網易娛樂頻道)

TVB搞藝人NFT改可愛花名:黃翠如「脆魚」

原來TVB乘香港回歸25週年推出「香港回歸25周年系列策劃《風繼續吹》數位藏品」8款藝人NFT,當中藝人包括:黃宗澤、胡定欣、王浩信、林夏薇、蕭正楠、黃翠如、張振朗、胡鴻鈞。今次TVB的藝人NFT係以抽籤形式進行,每人有3次機會,限量1304份,而且係免費兌換!8款公仔NFT都別具心機打造,強調「香港風格」,每款都有獨特的造型之外仲特意為每個藝人改上花名!例如黃翠如「脆魚」、蕭正楠「蕭蕭」、黃宗澤「波仔」、張振朗「阿郎」、胡鴻鈞「熊君」、林夏薇「薇薇」、胡定欣「小定」、王浩信「浩浩」等。

藝人獨特形容詞:「行走種草機」

最具睇頭除了花名外,就係每個藝人都有一些形容詞,如黃宗澤「波仔」-「痞帥,烹飪發燒友/競速者」、王浩信王浩信-「潮流型男,挑戰精神/事業狂魔」、蕭正楠「蕭蕭」-「優雅暖男,寵妻模範/嗜甜忍者」、胡定欣「小定」-「颯姐,一人千面/氣圍感女神」、張振朗「阿郎」-「文藝青年,活力運動家/反差魅力」、黃翠如「脆魚」-「元氣旅行家,笑容治癒/繪畫能力者」、胡鴻鈞「熊君」-「音樂黑馬,常駐奇幻世界/樂視派」、林夏薇「薇薇」-「才智MAX,舞林精靈/行走種草機」

tvb 王浩信「浩浩」
王浩信「浩浩」(圖片來源:weibo@網易娛樂頻道)
tvb 「波仔」黃宗澤
「波仔」黃宗澤(圖片來源:weibo@網易娛樂頻道)
tvb 「薇薇」林夏薇
「薇薇」林夏薇(圖片來源:weibo@網易娛樂頻道)
tvb 「熊君」胡鴻鈞
「熊君」胡鴻鈞(圖片來源:weibo@網易娛樂頻道)
tvb 「脆魚」黃翠如
「脆魚」黃翠如(圖片來源:weibo@網易娛樂頻道)
tvb 「阿郎」張振朗
「阿郎」張振朗(圖片來源:weibo@網易娛樂頻道)
tvb 「小定」胡定欣
「小定」胡定欣(圖片來源:weibo@網易娛樂頻道)
tvb 「蕭蕭」蕭正楠
「蕭蕭」蕭正楠(圖片來源:weibo@網易娛樂頻道)

網民:好x尷尬不明生物!

唔少網民睇完都表示唔討好,「完全無五官特徵,tvb 設計果然垃圾,buddy 作為吉祥物都係唔掂,不明生物同冇五官」「真係傻仔先買」「會俾人恥笑」「大陸仔都唔買啦下話」「有咩用」「設計又尷,名又尷」「sunny個d NFT仲有誠意過呢堆泥膠人」「充滿2000年代既偽3D電腦遊戲既氣息」

關鍵詞
tvbNFT
圖片來源:weibo@網易娛樂頻道

YOU MAY ALSO LIKE ...