Super Tiger重組|TVB男團6人離團 網民:未有歌先重組?

流行娛樂

廣告

Super Tiger重組|男團、女團熱潮充斥全港,除了《全民造星》而誕生的MIRROR、P1X3L以及COLLAR之外,TVB去年都乘住呢個熱潮推出女團After Class後,再搞10人限定男團Super Tiger,於賀歲節目壓軸跳唱兩首歌曲登場,引起網民熱討。後來男團Super Tiger未見有新動靜同新歌,反而經常出現抄襲mirror等的負面消息。近日傳出TVB希望力捧Super Tiger,而決定重組男團,10人變7人?!

tvb 男團 佢哋一齊講:「大家好,我哋係Super Tiger」嘅時候,幾有氣勢,連團隊專屬嘅手勢都有埋!
佢哋一齊講:「大家好,我哋係Super Tiger」嘅時候,幾有氣勢,連團隊專屬嘅手勢都有埋!(圖片來源:youtube@TVB (official))

Super Tiger大地震重組10人變7人

Super Tiger由10人組成,成員分別包括有羅天宇、許俊豪(Lincoln)、「蔥頭」丘梓謙、「賈明昇」鄒兆霆、曾展望(GM)、林俊其、魏柏豪、劉展霆(Eden)、李紹堅,以及宋懿芳。重組後,C位有「女神收割機」之稱嘅羅天宇離團、鄒兆霆、曾展望、林俊其﹑魏柏豪及李紹堅等6人齊齊離團,簡直係大地震式重組!再添加新成員為前天堂鳥隊長葉泓聲(Gordon)、林子超及邵展鵬。重組後的Super Tiger將會與袁偉豪於慈善籌款節目《萬眾同心公益金》獻唱張學友嘅名曲,重新出發!

tvb 男團 羅天宇企正C位。
羅天宇企正C位,當時佢話好想入男團(圖片來源:youtube@TVB (official))
tvb 男團 重組後的Super Tiger與袁偉豪
重組後的Super Tiger與袁偉豪(圖片來源:youtube@TVB (official))
tvb 男團 gordon表示好開心入咗super tiger
gordon表示好開心入咗super tiger(圖片來源:youtube@TVB (official))

網民對重組唔睇好

由於Super Tiger推出時,賀歲節目時表演批評多於讚美,而且加上後來不斷傳出抄襲mirror的消息,形象插水,加上一首出道代表作都仍未有的Super Tiger就宣布重組,搞到網民都唔睇好!「未有出道作就重組」「重組? 組咗有幾耐, 咁快cut人?」「TBB用乜人搞男團都紅唔到啦」「可加可減機制」「啲衣著老土到呢」「Tvb正式成為亞視」

重溫Super Tiger賀歲節目跳唱登埸被指「好尷尬」

Super Tiger排舞時間只有4日半,當日他們在賀歲節目《恭喜發財好運來》壓軸登場,分別唱跳表演了《青春有你》的主題曲《青春有你》以及《喜氣洋洋》。Super Tiger舞步到底能否稱得上賞心悅目,就要睇個人喜好,不過好明顯舞步不齊整,加上全程咪嘴演出,場面的確有點尷尬。Super Tiger」事後獲得不少討論,網民的留言尤其激烈,當中不乏帶點取笑較嘲諷留味,例如「你不覺得尷尬,尷尬的就是別人」、「心情唔好,有朋友介紹我入嚟睇,佢話我睇完包笑到反艇」等等,當然亦都有唔少網民表示支持,認為很有新意、顏值夠高等等十分正面。

tvb 男團 Super Tiger 成員包括:
(圖片來源:tvb截圖)

重溫精彩影片:

Super Tiger原本有多少人?

TVB去年都乘住呢個熱潮推出女團After Class後,再搞Super Tiger,人數為…詳情請看

Super Tiger有什麼負面消息?

Super Tiger經常出現抄襲mirror及…詳情請看

圖片來源:youtube@TVB (official),tvb截圖資料或影片來源:youtube@TVB (official)