TVB台慶2021｜林二汶現身獻聲賀台慶 網友批：食兩家茶禮

撰文：八卦妹｜圖片來源：Youtube@TVB(official)截圖、IG@lam2、連登討論區截圖

TVB台慶54周年 全台藝員歌手傾力演出兼爆秘聞

每年的11月19日都是無綫電視的台慶大日子，而昨晚大型特備節目《萬千星輝賀台慶》有逾150位藝員及50位歌手傾力演出，在台上載歌載舞，場面熱鬧。由李思捷所主持的《思家大戰》升呢來到台慶版，當中的「私密Party」環節，歌星及藝員輪流回答：「最恨嫁的女藝人」、「拍電影同樣出色的天后歌手」及「被公司雪藏的原因」，歌星藝人齊爆料，十分爆笑。

相關文章：

TVB台慶2021｜台慶版思家大戰 歌星藝人齊爆被公司雪藏原因 湯洛雯爆陳煒有男友兼恨嫁？

林二汶驚喜現身獻唱賀台慶

而另一環節「女星勁歌熱舞賀台慶」，是由Gin Lee、JW、欣宜、AGA、泳兒、吳若希、衛詩、菊梓喬、連詩雅、JUDAS、糖妹、譚嘉儀、在《全民造星4》擔任評判的鄭融、《星夢傳奇》女學員等一眾女歌手輪流獻唱過去《勁歌金曲》最受歡迎女歌手的金曲，期間驚見ViuTV常客、已有一段日子未有在TVB亮相的林二汶也有出席獻唱。

網友留言：對你失望！食兩家茶禮

有不少網友看到林二汶現身TVB台慶並獻唱後，紛紛到二汶的IG留言，並表示：「鋪排得幾好啊，等演唱會賣哂飛先去垃圾台慶生，之前係好唔開心買唔到飛，而家係覺得好彩我買唔到飛，拜拜林二汶。」、「你一直係我最愛的女歌手，除左你嘅音樂你嘅態度，骨氣都係我最respect，今見到報道話你上cctvb？！我真心唔明，上音樂節目都算，但點解會係台慶呢？！….好傷心失望丫」、「收咗幾多錢上去垃圾台台慶啊？最喜愛女歌手」、「我對妳非常之失望」、「因為viutv造星而令到大家喜愛你，帶俾你一個女歌手獎，到最後你居然走去人人喊打嘅隔離台賀壽⋯只有一句：觀眾捧得起你，都可以捧返你落黎⋯」

隨後亦有網友在連登討論區內開帖與眾人討論，指對林二汶大感失望，亦不明白為何要出席台慶：「無啦啦走去TVB自降身價 不了」、「當日覺得二汶好有義氣，有人唔做 去返做狗」，亦有人為二汶平反：「係香港做藝人慘過食三舊屎」、「你養佢？」

林二汶開腔回應出席TVB台慶原因

林二汶上周五（19/11）出席TVB台慶並獻唱，而引發一眾網友大鬧食「兩家茶禮」！二汶日前喺Facebook Live開腔回應並解釋自己上TVB的原因，強調心「音樂無分邊界」是自己的信仰：「其實我做咗廿年音樂，我一直都好相信，音樂係應該冇分國界，無分任何嘅邊界，因為音樂本來係應該要嚟溝通，而唔係孤立，我哋其實一直追求緊係百花齊放，唔係咩？我今年開咗自己嘅音樂教室，我想嘗試傳遞一個訊息，就係音樂應該係冇分邊界，應該一心只為音樂嘅發展，如果我分得咁清，咁我教出嚟嘅學生，唔係會墨守成規同故步自封咩？我哋做音樂嘅人，我教出嚟嘅學生，我希望佢哋明白一個訊息，音樂係應該懂得海納百川。」

其實自TVB與四大唱片公司破冰後，真的是有很多歌手都回到TVB的舞台亮相，未知大家對於林二汶出席台慶有咩看法呢？