TVB招聘吸引逾700人應徵! 曾志偉:係最好入行時候、係電視里程碑

TVB招聘吸引逾700人應徵! 曾志偉:係最好入行時候、係電視里程碑

【TVB招聘】TVB喺電視城舉行《2021藝員及電視製作人員訓練班面試》,TVB官方稱現場約有700人參加面試。唔知TVB係唔係特等,當日係曾志偉牛日。壽星曾志偉可能有感而發,當場向面試者派「心靈雞湯」。

撰文:Andy|圖片:TVB|編輯:海月

TVB招聘吸引逾700人應徵

TVB舉行《2021藝員及電視製作人員訓練班面試》,早前TVB罕有地高調想媒體公布共有逾2千人應徵幕後工作人員。而面試當日現場大約有700人到場應徵。

TVB招聘吸引逾700人應徵 曾志偉稱入行最佳時機
TVB舉行《2021藝員及電視製作人員訓練班面試》

曾志偉、曾勵珍及樂易玲等高層均到場向應聘者大派「雞湯」。恰逢曾志偉68歲生日,佢有感而發向700幾個應聘者發表講話。

TVB招聘吸引逾700人應徵 曾志偉稱入行最佳時機
曾志偉、曾勵珍及樂易玲等高層均到場向應聘者大派「雞湯」。

曾志偉呼籲大家向佢學習 後生仔好好吸取經驗

曾志偉稱大家可以學佢咁,由幕後做起。佢憶述自己由龍虎武師做起,一步步向上爬。後來做埋編劇、副導演、導演,最後成為一個演員。佢循例地鼓勵在場嘅後生仔要「接受不同挑戰」和「多多吸取經驗」。

TVB招聘吸引逾700人應徵 曾志偉稱入行最佳時機
曾志偉稱大家可以學佢咁,由幕後做起。

曾志偉意外咁多人應徵 稱現時為入行最好時機

曾志偉透露自己對於咁多人應徵確實感到意外,佢又指宜家就係入行最好嘅時機。曾志偉分析指,宜家係電視業嘅里程碑時刻;打呢份工除咗為興趣,仲要:「將社會資訊、娛樂,傳遞俾大家。」

TVB招聘吸引逾700人應徵 曾志偉稱入行最佳時機
曾志偉透露自己對於咁多人應徵確實感到意外,佢又指宜家就係入行最好嘅時機。

不過,小編唔明白里程碑喺邊?將社會資訊、娛樂傳遞俾大家唔係電視廣播業基本功能嗎?

TVB招聘吸引逾700人應徵 曾志偉稱入行最佳時機
打呢份工除咗為興趣,仲要:「將社會資訊、娛樂,傳遞俾大家。」

其他高層都對應徵者大派雞湯 寄望大家努力為TVB工作

在場嘅另一位高層曾勵珍亦提醒有意入行者,無論喺TVB做邊個崗位,都要「努力」、「專注」和「堅持」。

好多市民認為香港有機會再一次進入兩台爭霸嘅年代,不過曾勵珍就唔認同。強調今次招聘係TVB常規請人,並稱TVB全年都請人,唔係用來應付所謂嘅「電視大戰」。不過佢都坦承,今次招聘較為大型。

係唔係常規招聘小編就唔知啦,不過TVB今次招聘會的確係罕有地發稿邀請傳媒到場。至於係唔係用來同Viu TV打仗就見仁見智啦。

 

YOU MAY ALSO LIKE ...