【TVB台慶2020】《萬千星輝賀台慶》胡鴻鈞戴Rolex Daytona熊貓 2020年價錢究竟幾多？
【TVB台慶2020】《萬千星輝賀台慶》昨晚已於將軍澳電視城舉行，唔知大家有冇睇啦，不過尋日活動上都真係有幾多亮點。尋晚其中一part向以往《翡翠歌星賀台慶》經典唱歌遊戲環節致敬，由柏豪同胡鴻鈞上陣，挑戰一邊引體上升一邊唱歌。唱得好唔好就見仁見智，但相信有唔少人被胡鴻鈞手上隻Rolex Daytona吸引到，究竟呢隻錶有幾把炮？以下就同大家介紹下。
撰文：Easy ｜圖片來源：TVB、Rolex
【TVB台慶2020】《萬千星輝賀台慶》胡鴻鈞戴Rolex Daytona熊貓
《萬千星輝賀台慶》上胡鴻鈞所戴嘅錶，型號係Rolex Daytona Ref.116500，香港錶友俗稱熊貓。熊貓Daytona可謂是不少錶友的dream watch，鋼殼配上「地拖」設計相當有霸氣，新機芯4130大大加強錶款性能，Ref.116500自推出後價位只升不跌，而2020年市價更達至$215,000，胡鴻鈞似乎撈得唔錯喎。
《萬千星輝賀台慶》經典唱歌遊戲環節
尋晚嘅《萬千星輝賀台慶》上嘅引體上升環節，其實係向1992年《翡翠歌星賀台慶》嘅其中一part經典唱歌遊戲環節致敬，而當年係由歌神張學友及杜德偉去挑戰，最犀利係張學友就算做引體上升，完全冇影響佢嘅歌唱表現。
