Sunny哥哥重新出發 無視過去瘋狂出片 力挽已失去觀眾！
Sunny哥哥重新出發 無視過去瘋狂出片 力挽已失去觀眾！
Sunny哥哥7月19日就推出一條與「志記鎅木廠」有關的影片，一改以往輕浮風格，希望引起網民關注社會議題。不過其影片似乎吃力不討好，榮獲一眾網民負評連連。之後他又再次潛水，不少網民對於他一直沒有一個正式道歉感到不滿，就算是正式的道歉也認為他的目的不是真誠道歉，而是想借機再宣傳自己成立的NGO機構。
訂閱者瘋狂下跌
潛水差不多一個幾月，Sunny哥哥再次回歸YouTube界，先是拍一條「情侶雙人空中瑜伽」的影片，事隔兩日再於昨日（18日）拍一條老本行「巨大化」主題相關的影片。兩條影片出街之後都被網民負評如潮，網民都繼續鼓勵觀眾能夠「退訂閱」，等Sunny哥哥的Followers可以下跌。
網民不滿：繼續冷處理啦
未出現公關災難前，Sunny哥哥頻道的訂閱人數都有50萬之多，不過出事後目前回落，暫時去到47萬左右。網民紛紛留言指：「岩喇，出多啲片繼續冷處理啦，一出片訂閱數唔會呃人愈跌愈有，支持一日一片呀sunny 哥哥。」、「剩係睇頭幾秒都睇得出你地扮緊high，咁辛苦不如算啦好嗎」、「加油！向四十萬訂閱為目標」。都有網民笑稱Sunny一早有拍片，其影片便是「巨大化公關災難。」。
重溫踢爆實錄
Sunny再被踢爆講大話淘寶＄300人形雕像吹到60萬？！
Sunny於4月一條片中講到自己將工作室大改造，仲擺咗價值60萬的人形雕像喺工作室，嗰啲雕像已經不止一次被sunny強調價格不菲，俾人感覺非常奢侈富貴！不過近日就有youtuber TIK LEE 拍片踢爆Sunny所謂價值60萬的人形雕像疑只係淘寶賣緊人民幣300－3000，放上一系列於淘寶的截圖，斥sunny真係講大話講上癮，好嘔心！而且仲指sunny抬到個價咁高最終目的似係想呃觀眾錢，因為sunny曾經拍片講過如果有觀眾有興趣可以pm佢，仲話會俾一個「觀眾價」，TIK LEE 直斥sunny真係賺到盡，成日想將2手的物品千方百計變錢！
網民推測連道歉片都係大話！
網民睇完片後，意見2極，雖然sunny最近形象愈來愈差，但都有網民支持佢，認為「初模公仔一隻要幾萬不出奇，而淘寶商家keep住個模，可以大量制造，成本自然可以很低。公仔的模是佔整個公仔的7至9的成本」「我唔係幫Sunny 不過其實我都做開呢行 我有幫人做代理同埋打模 其實呢呢舊嘢貴在唔係個成品 而係不斷打樣既過程」亦有唔少網民就認為就算sunny唔係淘寶人民幣300買，都唔會係60萬，認為sunny真係吹得太大，而家先會俾人不斷踢爆！「又有好有心既師兄去左問，只要比圖比尺寸，就幫攪掂曬， 一條龍$4000人仔喎，師兄你點睇？有冇諗住再比幾萬去做一隻？」「加埋運費我諗可能$5000人仔到啦」「上次天使B都係唔洗10萬…這種何來60萬」「可以收檔了 sunny 大話連篇」「就咁睇個雕像都知係大陸style」「唔奸點賺大錢 , 短時間買到樓」「今次點兜好」網民仲留意到，sunny有機會連道歉片都係大話「其實重點唔係60萬，而係佢聲稱20年無再用淘寶，結果呢隻野21年出，即係21年佢都仲係用緊淘寶，即係佢條道歉片又講大話」
