Sunny哥哥突發出新片！孖女友Creamy去動漫節網民熱議：似想鋪路洗白

Rock哥cosSunny哥哥去動漫節？

唔少人都會去cosplay去動漫節行個圈，YouTuber Rock哥都唔例外！最近Rock哥上傳了一條影片叫「【挑戰】在動漫節cosplay遇見思覺老師！石頭哥哥100%神還原！」係講佢cosplay去動漫節，而佢今次cosplay的人物都非常特別，疑似cos咗另外一位YouTuber Sunny同埋其女友Creamy！2人帶上arhoTV的口罩，仲參考埋arhoTV的影片風格同埋2人的反應動作等。

巧遇「瘋癲系YouTuber」始祖思覺老師

2人仲喺動漫節撞到「瘋癲系YouTuber」始祖思覺老師！Rock哥關心思覺老師身體狀態，思覺老師表示自己2年幾前入過院，身體差咗，仲大爆某醫院唔係咁好。

傳奇思覺老師經常分享自己瘋狂的思想

如果一直有留意開YouTube的觀眾，相信大家一定會聽過「思覺老師」呢位傳奇YouTuber，佢可以算得上係「瘋癲系YouTuber」的先河人物，其寫文章的手法及思路擁有異與常人的「膠力」，亦成為了討論區上的首代潮文。之後思覺老師開始在YouTube界活躍，拍片分享自己瘋狂的思想，以及在鏡頭前做出大量出位行為，令到老師在網絡上爆紅。

網民：似幫佢哋鋪路復出多過抽水

唔少網民都大讚2人今次的cosplay非常有趣「落井下石方面你真係做得好出色，完全將你好假嗰一面呈現得淋漓盡致，啲觀眾鍾意睇，拍多啲搵多啲」「扮曬嘢造作tone真係恰到好處」「個女仔真係完美捉到Creamy所有神緒」「竟然仲有兩個絕版口罩」「第一眼睇以為真係asshole sunny 一撳先發現原來係rock gor」「cos得好神似，唔係三成似係一百成似，特別唱歌個最似，啲水俾rock哥你抽唒」「個開場動畫 有一種熟悉的味道」不過有網民就認為Rock哥想幫sunny鋪路復出「唔好諗住幫佢地鋪路復出」「條片後面試幫佢哋復出鋪路多過抽水囉」「剪輯後製同衣著還原度，都高到似佢地有份幫手搞for洗白預備復出，希望係估錯否則對Rock哥非常失望。（但如果真係純粹cos就非常精彩）」

睇片先：