One Piece海賊王真人版影評丨試當真游學修：睇到又愛又恨 力數4大問題
廣告
One Piece海賊王真人版影評丨Netflix製作的真人版《海賊王》（ONE PIECE）8月31日正式上架後持續榮登香港第一位。呢套連漫畫原作者尾田榮一郎都寫包單包好睇的真人版，粉絲都偏向讚多過彈，仲話Netflix簡直完成咗不可能的任務。近日YouTube頻道試當真都有講起呢套真人版，不過游學修就似乎認為麻麻地，一齊睇吓佢點評論！
One Piece海賊王真人版丨試當真游學修力數4宗罪
YouTube頻道《試當真》「謝票場」都有講起《One Piece海賊王》真人版，其頻道老闆游學修就大講對呢套真人版的影評。首先佢指出睇呢套時keep住一種對佢又愛又恨的感覺，認為《One Piece海賊王》真人版真係拍得好有誠意，好用心，但係佢將個風格「卡咗喺中間」。
One Piece海賊王真人版丨路飛失去最大的吸引力
首先游學修指出主角路飛最大的吸引力應該係佢onx同埋完全狀況外的性格，而今次真人版的路飛係並無帶出呢個感覺，同埋形容佢「Energy好地」，而其成員有補充真人版難以演到漫畫中的路飛。
One Piece海賊王真人版丨寫實唔晒又卡通唔晒
游學修就認為就算演唔到漫畫中的路飛，咁不如直接用呢個故事，建構一個貼地的世界觀如電影蝙蝠俠。而家《One Piece海賊王》真人版啲角色突然好似好卡通化，搞到成件事好膠，如卡普突然帶住狗仔帽、卓洛由細到大都係綠色頭等，所以而家好寫實唔晒又卡通唔晒咁。
One Piece海賊王真人版丨沒有原著的最大賣點
游學修再講出佢認為最大的致命傷係Netflix拍唔出《One Piece海賊王》的人物，佢指佢好記得之前睇《海賊王》時，每個人物出場你都會遂個愛上，會覺得自己好了解呢個人物，同佢好似朋友咁，睇住路飛個團隊一個一個朋友咁出現，但今套真人版完全無咗呢個感覺。
One Piece海賊王真人版丨少了CG多了穿崩位
最後游學修指出今次真人版咁多「主題樂園式」的道具、造型係想少啲特技的成份，不過就搞到有穿崩位出現。
一齊睇完整影片：
有講埋其他動漫！
試當真view數得番2萬？
YouTube頻道《試當真》2020年開始運作，有逾四十萬追蹤。不過過去半年成為惹火channel，有網民發現近月《試當真》新片view數大跌，更指跌至…詳情請看
試當真NFT事件?
網民狠批《試當真》忘卻初心，大不如前，首先早前《試當真》忽然宣布推出NFT產品，引起大量網民負評，之後游學修就上「混血肥仔」的節目回應時件。
圖片來源：ig＠onepiecenetflix、youtube＠試當真Trial & Error 、《海賊王》資料或影片來源：youtube＠試當真Trial & Error
