我的女神室友斗娜︳秀智再次爆紅！關於「國民初戀」的7件事：男神收割機

我的女神室友斗娜︳1. 秀智跆拳道黑帶2段

唔好睇秀智好似纖纖弱質，惹人憐愛咁，其實佢係深藏不露的高手，跆拳道了得！秀智的父親裴元英係韓國跆拳道最高機構「國技院」認證的六段高手。秀智受父親影響，從小就就跟父親喺道場學習跆拳道，實力已經係黑帶2段！

我的女神室友斗娜︳2. 秀智被星探發掘以女團miss A 出道

秀智除咗識跆拳道之外，仲因為對跳舞、音樂感興趣，曾經瞞住屋企人偷偷學跳舞，而剛好國3時陪朋友去參加選秀節目《Superstar K》，點知意外被JYP星探發掘，從而成為旗下的練習生。秀智練習生時期已出名非常努力，一年後以女團miss A 出道，代表作有〈Bad Girl, Good Girl〉、〈Only You〉。

我的女神室友斗娜︳3. 全能秀智 唱歌做戲一樣掂

秀智出道四個月後接第一部韓劇《夢想起飛 Dream High》，2011年KBS演技大賞就拎埋「最佳新人獎」及「最佳情侶獎」。後來開啟咗秀智的演藝生涯，代表作真係多到數唔晒如《任意依戀》、《當你沉睡時》、《初戀築夢101》、《Start-Up：我的新創時代》、《安娜》。秀智仲憑《安娜》拎咗擊敗強敵宋慧喬，拎咗青龍獎視后！而唱歌方面秀智都有唔少代表作例如〈pretend〉、〈Dream〉、〈Cape〉等，被JYP 喻為全能型藝人！

我的女神室友斗娜︳4. 「國民初戀」點樣嚟？

秀智的「國民初戀」原來係嚟自佢第一部電影《初戀築夢101》，當時票房打破咗韓國愛情片的紀錄，秀智喺電影中清新素顏的高顏值迷倒唔少男士，成功獲封「國民初戀」稱號！

我的女神室友斗娜︳5. 「國民初戀」係男神收割機

「國民初戀」秀智的情史非常豐富，係男神收割機，被譽為「娛樂圈發電機」！先收割男神李敏鎬，2人相差7年，2015被傳媒拍到喺倫敦約會，戀情浮面，隨即大方公開承認戀情，不過戀情只維持3年之後2人似乎因李敏鎬服兵聚少離多而告終。

後來再收割李棟旭男神！今次2人相差13年，李棟旭出道19年從未承認過戀情，唯獨公開承認秀智！秀智當時同李敏鎬分開無耐就火速認愛李棟旭，引起唔少熱議。不過點知2人戀情只維持咗4個月，又係因為聚少離多而告終。除咗呢2大男神之外，仲有一堆同秀智傳過緋聞的男神如金秀賢、孔劉、李鍾碩等。

我的女神室友斗娜︳6. 曾患上情緒病憂鬱症

全能型的秀智原來都有低潮迷茫的時候，佢係節目《Healing Camp》 坦承原來自己唔善於同人傾訴，搞到好多嘢都放晒喺心上，工作都排到非常密密麻麻，久而久之就產生出憂鬱症的症狀，幸好發現得快先無惡化落去。

我的女神室友斗娜︳7. 最愛遊車河食公仔隊啤勁麻甩？！

睇落好似好文靜的秀智原來曾自爆最鍾意一邊聽歌一邊周圍遊車河兜風，放假就最鍾意同朋友吹水像飲酒，有時甚至係瞓覺前都要隊罐啤酒慰勞吓自己！而且秀智最愛的食物竟然係公仔麵，秀智指佢從學生時期開始就算違反校規，都要去便利商店買公仔麵食。大個咗因為夜晚食公仔麵第2日會水腫，佢就改為早上食完再趕行程，即係就算早上6點要出發，佢就會早上5點起身煮！所以秀智曾講過自己會想成為「像公仔麵一樣」的女人，因為好似公仔麵一樣咁令人著迷同埋愛不釋手，唔知有無人同秀智有共鳴呢？