Mirror Fans Club專場都買唔到飛？粉絲怒插機制不透明！

Jun 10 2022

全城熱搶的Mirror演唱會飛一票難求，早前就算公開以「實名制」形式推加場次，同樣難搶到癲。今日開售2場Mirror官方Fans Club「Miro」專屬場次（8月5日及6日），但系統同樣出事，令Fans對安排都大感失望！

Mirror Fans Club專場都買唔到飛？粉絲怒插機制不透明！

Mirror官方Fans Club「Miro」專屬場次（8月5日及6日）今日開售，下午2時左右，兩場3種票價門票顯示均已售罄。而對於門票安排Fans同樣不滿意，其購票機制的不透明引來Fans炮轟。是次演唱會飛未能夠得知剩餘的位置，又未能夠看見座位表，就連入到去排隊都不知道到底自己排緊第幾。

入到去繼續無限Loop

有成功進入選購演唱會的Fans就反映，入到去只有10分鐘時間去處理諸多事宜，例如揀位，填資料等等。但網站卻經常出現loading，又不斷出現Error，例如會話你個名打錯，又或者身份證有問題等等，令到不少用家去到臨門一腳因為超時遭到系統踢出，深深感到不紛。而無法進入選購網站的fans，就只有在網站出面不斷「retrying..」，無限Loop到全部售罄為止。

Fans怒插安排差

就算是已經俾年費$440成為Miro會員的fans，在今次都對於安排十分失望，有網民就分享指：「我入咗去，不斷load, 不斷load, 到最後好不容易去到信用咭比$，但仍不斷load, 最後過咗鐘要再排隊，嗰種痛真係非筆墨可形容。所以我决定，今日5pm前買唔到票，我決定退出歌迷會，並且轉投Super Tiger懷抱」。而不少其他Fans對於今次的購票都深深感到共鳴，直言：「留成七成門票內部認購根本有問題」，「已經放棄人生」，「決定退出歌迷會」等等。