MIRROR|Edan/Anson Lo/Jer赤口照拜年 汪明荃IG回應「虎」字來龍去脈

流行娛樂

廣告

人氣男團MIRROR成員呂爵安(Edan)在2019年因為曾經與羅家英合作拍攝《臺灣文西Only You》而結緣,上年Edan好乖地有去搵家英哥拜年,仲獲「IG紅人」阿姐錫「汪阿Tag」。而今年亦都唔例外,Edan仲帶埋同隊老友阿Jer以及Anson Lo一齊喺大年初三赤口一齊去搵阿姐拜年,最估唔到係阿姐竟然都識得Anson Lo《Megahit》招牌手勢添!

文:東方新地 |圖:IG@wang_liza、《臺灣文西Only You》劇照|編輯:odin

Edan當時有幸同家英哥共浴!(圖片來源:《臺灣文西Only You》劇照)
Edan當時有幸同家英哥共浴!(圖片來源:《臺灣文西Only You》劇照)
家英哥與Edan於2019年結緣。(圖片來源:IG@wang_liza)
家英哥與Edan於2019年結緣。(圖片來源:IG@wang_liza)
(圖片來源:IG@wang_liza)
(圖片來源:IG@wang_liza)

阿姐都唔覺意寫錯名

MIRROR成員Edan、Jer以及Anson Lo好大膽,竟然趁位大年初三赤口走嚟搵阿姐汪明荃拜年,不過見到啲後輩咁乖,阿姐都冧晒,仲即刻於IG分享合照並寫道:「誰說大年初三不適宜拜年?Mirror 三子Jerk Eden & Anson向家英哥Liza姐拜年,同行還有Sam及太太。Liza以蘿蔔糕 上海年糕、水菓 、攢盒招待,大家吃得很開心。」雖然阿姐打錯咗名,但經網友提醒之後,阿姐都非常迅速地作出更正。

(圖片來源:IG@wang_liza)
(圖片來源:IG@wang_liza)
(圖片來源:IG@wang_liza)
(圖片來源:IG@wang_liza)
(圖片來源:IG@wang_liza)
阿姐喺20分鐘之內已經作出更正!(圖片來源:IG@wang_liza)

潮爆阿姐識跳《Megahit》

雖然阿姐一開始錯手打錯名,但相信一班鏡粉都唔會介意,因為原來阿姐都有留意Anson Lo嘅作品《Megahit》,仲連入面嘅招牌手勢都識。拜年期間,阿姐同大家傾開《Megahit》嘅舞步,大讚「咁樣跳舞係好睇」嘅之餘,仲跟做一齊唱副歌「Uh-oh uh-oh uh-oh 」,做埋個手勢唱足幾次,難怪網民都一致讚阿姐夠潮,仲有不少「教徒」留言話:「祝Liza姐同家英哥虎年快樂,心想事成。」

硬照都要做呢個手勢!(圖片來源:IG@wang_liza)
硬照都要做呢個手勢!(圖片來源:IG@wang_liza)
阿姐真係好可愛。(圖片來源:IG@wang_liza)
阿姐真係好可愛。(圖片來源:IG@wang_liza)

阿姐「虎」字變粗口

早前阿姐汪明荃喺無綫(TVB)賀年節目《虎躍騰飛迎新歲》中即席揮毫寫了一個草書「虎」字,但由於唔係人都識書法,不少網民都話會錯意睇錯咗另一隻「粗口」字,及後阿姐都非常有心人,喺IG拍片回應網民:「『虎』字的書法字型是出自明朝書畫家董其昌。」另外,阿姐今次亦都獲益良多,仲透過網絡紅人「King Jer 娛樂台」的報道而學識「世一」的解釋為「世界第一」,提到「阿姐個衰妹係咪有性暗示」時,更直接回應網民「真係諗多咗」,阿姐果然跟得上潮流!

阿姐個虎字。(圖片來源:《虎躍騰飛迎新歲》影片截圖)
阿姐個虎字。(圖片來源:《虎躍騰飛迎新歲》影片截圖)
阿姐世一呀!(圖片來源:IG@wang_liza)
阿姐世一呀!(圖片來源:IG@wang_liza)

圖片來源:IG@wang_liza、《臺灣文西Only You》劇照