我老婆嫁左比Mirror導致婚姻破裂關注組

《我老婆嫁左比Mirror導致婚姻破裂關注組》因mirror演唱會問題宣布停運!

流行娛樂

廣告

ViuTV男團 MIRROR 將於暑假舉行演唱會《FWD呈獻:MIRROR WE ARE Live Concert 2022》,不過演唱會賣飛問題一直未能好好改善,就算以實名制的形式(31 日)於城市售票網公開發售門票,但網站完全入唔到,售票效率極慢,搞到鏡粉嚴重不滿。而今日(3日)Mirror粉絲於facebook成立的「我老婆嫁左比Mirror導致婚姻破裂關注組」管理員因為演唱會問題宣布停運!

我老婆嫁左比Mirror導致婚姻破裂關注組
(圖片來源:fb@我老婆嫁左比Mirror導致婚姻破裂關注組)

MIRROR 演唱會焫著鏡粉 焫著埋fb群組管理員!

MIRROR 演唱會門票一票難求,唔係炒賣飛問題就係入唔到網站搶飛,唔少鏡粉都表示相當不滿要脫粉!而家連Mirror粉絲最初成立的fb群組「我老婆嫁左比Mirror導致婚姻破裂關注組」的管理員都宣布因為不滿Mirror演唱會安排而要結束fb的營運,永久關閉!

我老婆嫁左比Mirror導致婚姻破裂關注組
(圖片來源:ig@mirror.weare)

鏡粉力數ViuTV:「當鏡粉係水魚」

fb群組管理員長文數出MIRROR 出道以嚟無論係廣告、抽卡、活動、新歌、新MV都會樣樣做到足,例如賣廣告,就算狂買其代言產品,為抽卡日日食麥當勞,新mv就狂刷點擊率,但而家想睇個演唱會,就睇唔到!管理員反映演唱會安排極度不足,多人睇明明就一定預料之內的事,斥「將鏡粉對MIRROR嘅愛綁架」、「當鏡粉係水魚」!管理員指明白錢係要賺,但食相難睇,而且指控viutv先係真正的大黃牛!

我老婆嫁左比Mirror導致婚姻破裂關注組
(圖片來源:fb@我老婆嫁左比Mirror導致婚姻破裂關注組)

群組粉絲支持

鏡粉們對於fb群組管理員的指控都相對認同,覺得今次真係太過份,完全無顧及鏡粉的感受「粉絲係大輸家」「咁大個女都未試過為撲飛撲到身心疲累,諗住入fans club都有機會買到飛,係一張都買唔到」睇嚟今次鏡粉真係對mirror失望!今次會唔會係MIRROR 出道以嚟最大的危機?

我老婆嫁左比Mirror導致婚姻破裂關注組
(圖片來源:fb@我老婆嫁左比Mirror導致婚姻破裂關注組)

常見問題

《我老婆嫁左比Mirror導致婚姻破裂關注組》為何要停運?

fb群組「我老婆嫁左比Mirror導致婚姻破裂關注組」的管理員都宣布因為不滿Mirror演唱會安排而要結束fb的營運,永久關閉!詳情請看

為什麼群組管理人稱ViuTV為「真正的大黃牛」?

fb群組管理員長文數出MIRROR 出道以嚟無論係廣告、抽卡、活動、新歌、新MV都會樣樣做到足,但而家想睇個演唱會,就睇唔到,斥「將鏡粉對MIRROR嘅愛綁架」…詳情請看

圖片來源:ig@mirror.weare, fb@我老婆嫁左比Mirror導致婚姻破裂關注組,

YOU MAY ALSO LIKE ...