MIRO

MIRROR演唱會|鏡粉轟MIRO歌迷會哄Fans入局 派得5千張飛!

流行娛樂

廣告

MIRROR早前於Makerville宣布成立官方歌迷會「MIRO」,粉絲加入後可獲得不同的粉絲福利,剛好MIRROR演唱會在即,7月舉行首個紅館演唱會(共10場),大批鏡粉即紛紛加入歌迷會搶飛,短短3日已有5萬多名鏡粉入會,可結果MIRROR社交平台出post指原來只有2500名額(共5000門票)予鏡粉抽籤,惹鏡粉不滿。

MIRO mirror 演唱會 MIRROR將於7月開一共10場演唱會,官方歌迷會只派得5000飛予鏡粉抽籤引起網民公憤。
MIRROR將於7月開一共10場演唱會,官方歌迷會只派得5000飛予鏡粉抽籤引起網民公憤。(圖片來源:[email protected]

5萬fans爭5千飛惹怒鏡粉:點解要當fans係乞衣?

MIRROR 7月開首個紅館騷一票難求是常識吧,鏡粉為此加入官方歌迷會希望求得一票,可是日前官方歌迷只撥出2500名額(共5000門票)予MIRO(官方鏡粉)抽籤,隨即惹怒MIRO及網民。其實在此之前,早有報道指今次開辦MIRO,以每人$440年費去計,已集資超過2000萬,所以對於今次的「有限」名額,網民紛紛留言:「點解要當fans係乞衣咁?施捨5000張飛,有幾多人因為咁入左FC?」、「十場先得2500(名額),一場2500(名額)就差唔多」、「cap水cap咗二千萬都算,問題係完全無真正為鏡粉著想過」、「2500 真係想講粗口」。

MIRO mirror 演唱會 有鏡粉留言:「點解要當fans係乞衣?」
有鏡粉留言:「點解要當fans係乞衣?」(圖片來源:fb@mirror)

鏡粉要求加埸大鬧:邊個係老闆搞清楚!

鏡粉不滿官方歌迷會派得5000飛,除了覺得「真.鏡粉」不被重視之外,另一主因就是他們每人以440元年費入會,據知歌迷官會成立3日已有超過5萬人參加。有鏡粉抓住這一點批評ViuTV斂財,並計數指光是歌迷會會費已為ViuTV帶來約2千萬現金流,為何無法舉行鏡粉專場或加場讓真鏡粉入場支持,更豪言集資5千萬要求加場。(詳見下圖)

MIRO mirror 演唱會 有鏡粉豪言集資5千萬要求加場。
有鏡粉豪言集資5千萬要求加場。(圖片來源:fb@mirror)

3日賺2千萬夠唔夠開紅館?

鏡粉豪言集資要求加場,又指歌迷會歛財2千多萬,到底開一場紅館騷要幾錢?其實都有數得計。
紅館場租是5.5萬或總門票收益的20%,今次MIRROR演唱會票價分$1280/$880/$480,以中位數$880計算,當賣晒12,500個座位(未計受疫情影響而限制入座),總收益的20%大約是2百萬。再加上各方面技術人員人工、台燈聲、樂手、保安、膳食等等,其實可能都有數圍,不過能否賺錢則是非知之數。

MIRO mirror 演唱會 如果鏡粉真係集資到2千萬夠唔夠包場呢?
如果鏡粉真係集資到2千萬夠唔夠包場呢?(圖片來源:[email protected]

撰文:東方新地圖片來源:fb@mirror,[email protected]

YOU MAY ALSO LIKE ...