MIRROR演唱會丨Dancer爆出行內心酸 希望可以正視問題追究到底!

流行娛樂

廣告

MIRROR紅館演唱會昨日(28日)舉行第四場,早前已不斷爆出唔少意外,搞到鏡絲都非常擔心。後來回應粉絲訴求Mirror 12子許多空中表演,改到平台進行。可非常不幸的是昨晚仍然出現大型意外,演唱會期間成個Screen從天而降,有兩名Dancer受傷送院隨即演唱會腰斬,其中一位為女團collar Soching男朋友阿mo。其實早已係開騷前已有不少Dancer於IG投訴其安全性問題,可惜當時未有正視。今日有唔少Da ncer為事件發聲,道出背後心酸,希望能正視Dancer背負問題。

mirror演唱會 dancer mirror演唱會 安裝 MIRROR演唱會
(圖片來源:[email protected]

Dancer行內心酸 :「我哋係有血有肉的人」

Dancer講出行內晤題嚴重,由入行開始就受到不少壓迫,例如發聲就會等同「唔想撈」、不斷面對重重機關、十斤危險服裝、彩排時間極短、超時工作、低收入等問題,不斷循環,夢想綁架,渡過唔知幾多次「好彩」。爆出顧用人士經常無視Dancer係「有血有肉的人」,幾十年嚟無保障,就算有長約利益亦只歸於公司,希望各界人士因此事件關注dancer問題,無論係安全定係薪酬。更指出今次Mirror演唱會,阿mo受傷事件唔係意外,一件絕對可以避開的人為錯誤,希望可以追究到底。

mirror演唱會 dancer
(圖片來源:link討論區截圖)

重溫出騷前Dancer出post怒插要「自己執生」

MIRROR演唱會彩排時發生事故,因今次舞台佈滿不同機關,以致眾人們需要面對不太熟習的舞台上彩排,令其中一位Dancer受傷。事後疑似有人仲將責任推向MIRROR的Dancer身上,強調要Dancer「自己執生」,令到Dancer們超不滿齊齊喺社交平台po出全黑story怒插有人罔顧佢哋生命安危!「其實執生,真係唔係無敵,執到可以笑下,執唔到呢?咩都唔知我都唔知執」「用我哋條命去滿足你哋嘅自私自利,一次事故睇清人性醜惡」「自跳舞以來感受最差的一天」「人嚟架唔x係白老鼠」「垃圾」

圖片來源:[email protected],link討論區截圖