MIRROR演唱會觀眾狂數睇騷惡行 直斥鏡粉好低質影衰偶像﹗
MIRROR演唱會|Anson Lo神徒被揭不法行為
MIRROR首場紅館騷結束,引來不少話題,舞台機關多次失靈,不但令Edan呂爵安歌聲及琴聲「被減聲」,更令表演中的Anson Kong江熚生險象環生﹗更有入場觀觀眾不滿鏡粉自私,投訴睇騷禮儀,爆料大數鏡粉惡行,當中茅頭直指Anson Lo盧瀚霆的粉絲(神徒),大爆神徒在演唱會期間開直播,網民直斥行為犯法,留言「偷拍係犯法,仲要開直播﹗」、「可以直接報得海關啦﹗」、「一陣搞到官方連碟都唔出就累全家﹗」、「呢個等比人告﹗搵定律師啦神徒﹗」、「咁貴咁難買嘅飛,仲要坐到咁前點解投入去睇而去開直播?」等等﹗
網民:好心MIRROR教育吓鏡粉啦﹗
有觀眾投訴唔止有神徒開直播,連其他成員的粉絲包括姜糖、爵屎同埋Hellosss都有開直播﹗有網民指這些害群之馬,會影衰自己偶像,留言叫MIRROR十二子及公司要正視,不過有網民留言話「佢哋邊敢話米飯班主呀,你估軒公咁夠薑咩﹗」、「其實班鏡仔唔理係會助長咗呢啲風氣﹗」、「好心教育吓啲鏡粉啦﹗」、「乜偶像就有乜粉絲啦﹗」等。
「最低質鏡粉就喺神徒入面」?﹗
IG@what7iwatch指神徒做出不法行為開騷期間開直播,並指一直以來收到不少人私訊以及自身朋友的經歷,「最低質嘅鏡粉喺班神徒入面」,「成日啞啞咋咋都經常發生,今次仲喺IG埋直播,犯法都做埋﹗」,但亦指是有批害群之馬並非指所有神徒,由於「粉絲行為,偶像買單」,所以希望Anson Lo可以正視及教育自己粉絲﹗
投訴陸續有來 鏡粉燈牌太光影響表演者及觀眾
除了投訴有鏡粉開直播外,亦有入場觀眾在討論區開Post投訴鏡粉自私行為嚴重影響睇騷人士,以「請MIRROR的Fans Club入一入嚟」主題開po,指鏡粉的燈牌太光,不但影響觀眾,更完全浪費舞台效果,跪求「根本係鏡粉自己係度鬥,唔尊重其他人更唔識尊重台上十二人」,引起激烈討論,有不少感到身受的入場觀眾紛紛留言「依家影大頭後面全部開晒燈,無晒舞台效果」、「第一次睇騷被啲Fans燈牌搞到成個場咁肉酸,完全浪費晒舞台設計」、「根本係大家鬥疊馬,唔係為件事好唔好睇﹗」等。
錯在MIRROR支螢光捧$360太貴?﹗
有網民指還有十一場騷,希望MIRROR及其公司正視,又指會對MIRROR有危險,「啲燈牌光到同舞台燈撞晒,舞台機關咁多,佢哋係台上面會睇錯」、「光到整盲MIRROR」、「坦白講MIRROR只會唯粉,點會得罪啲粉絲」、「大會出咗支螢光捧,好似五月天咁會全場跟住變色,依家完全冇呢個效果﹗」、「鬼叫支螢光捧搶錢咩成三百幾蚊,五月天嗰支幾十蚊﹗」、「原來係自己一手造成」、「唔好話我國去其他國家要教禮儀,鏡粉去睇騷都要教吓佢哋睇騷的禮儀啦,咁鬼自私」等。