【MIRROR演唱會】兩騙徒用一招!呃走鏡粉6位數字金錢

【MIRROR演唱會】兩騙徒用一招!呃走鏡粉6位數字金錢

【MIRROR演唱會】香港現時超人氣男團MIRROR,即將舉行成軍兩週年演唱會,全城立即掀起撲飛狂潮。而早前有一對「表兄弟」,對外稱自己係英皇娛樂前員工,人脈廣闊,更認識ViuTV嘅人,能夠攞到內部飛。唔少有6個人被呢對騙子呃,被騙走嘅金額高達6位數!

撰文:Andy|圖片:MIRROR IG 截圖|編輯:海月

【MIRROR演唱會】兩騙徒用一招!呃走鏡粉錢6位數字

兩騙徒謊稱訂MIRROR演唱會飛 呃走鏡粉錢高達6位數

全城大熱嘅偶像男團MIRROR即將舉行成軍兩周年演唱會,好多鏡粉都四圍撲飛。無奈MIRROR人氣太高,就算兩度加場,演唱會飛都火速售罄,一大班鏡粉都大叫可惜。呢個時候就有騙徒打算渾水摸魚,透過謊稱自己能夠攞到內部飛而呃鏡粉演唱會飛錢。

兩騙徒謊稱訂MIRROR演唱會飛 呃走鏡粉錢高達6位數
全城大熱嘅偶像男團MIRROR即將舉行成軍兩周年演唱會,好多鏡粉都四圍撲飛。

早前有兩個騙徒合夥,通過MIRROR演唱會飛而進行詐騙。兩人混入一間貿易公司,謊稱另一位騙徒係其「表哥」為英皇娛樂前員工,因為於娛樂圈人脈廣闊,並認識ViuTV內部人員,能夠預訂大批內部MIRROR演唱會飛。

兩騙徒謊稱訂MIRROR演唱會飛 呃走鏡粉錢高達6位數

自上月MIRROR公佈開演唱會以來,至少六人被呢對騙徒呃。騙徒呃走10萬港幣後就即刻消失,六位苦主報警下揭發事件。

幫表弟賣飛而被騙金錢 單一鏡粉被騙走2.5萬

其中一位受害人Mary憶述,騙徒兩人於2月中入職自己公司。其中一人叫Kinson,負責市場策略推廣產品,另一人係倉務員。佢稱Kinson曾自稱於英皇娛樂工作過,跟霍汶希搵食,認識娛樂圈中人。

兩騙徒謊稱訂MIRROR演唱會飛 呃走鏡粉錢高達6位數
MIRROR於2018年11月3日出道。

而MIRROR公佈開演唱會,Kinson就開始吹噓自己認識ViuTV中人,可率先按原價買到內部演唱會飛。因為自己表弟係鏡粉,所以佢就托Kinson訂票。

兩騙徒謊稱訂MIRROR演唱會飛 呃走鏡粉錢高達6位數
MIRROR其家是ViuTV選秀節目《Good Night Show 全民造星》的衍生組合,隊員由節目其中12位參賽者組成。

上月25日Mary向Kinson代訂四張1280元嘅門票後,Kinson並冇俾演唱會飛佢,而係拖延稱自己收到飛就即通知佢。點知到咗本月8日,Kinson請假後就再冇出現過,更退出埋所有公司手機群組,其表弟亦一同失蹤。

兩騙徒謊稱訂MIRROR演唱會飛 呃走鏡粉錢高達6位數
今次演唱會對「鏡粉」來說真是一飛難求

其後得知該公司共有6名同事向騙徒訂飛,共計被呃走10萬元。最慘係其中一人訂一口氣就訂咗20張1280元的門票,損失2.5萬元。公司曾找尋兩人,但發現其報住單位人去樓空,各受害人無奈都各自先後報警求助。

YOU MAY ALSO LIKE ...