MIRROR演唱會

MIRROR演唱會丨杜汶澤:唔好習慣不了了之,追究責任是走下去的第一步

流行娛樂

廣告

MIRROR紅館演唱會昨日(28日)舉行第四場,早前已不斷爆出唔少意外,搞到鏡粉都非常擔心。後來回應粉絲訴求Mirror 12子許多空中表演,改到平台進行。可非常不幸的是昨晚仍然出現大型意外,演唱會期間成個Screen從天而降,有兩名Dancer受傷送院隨即演唱會腰斬,其中一位為女團collar soching男朋友阿mo,目前仍在深切治療部留醫。事後唔少藝人都有對此事件發聲,而已不在香港的杜汶澤也有表達睇法,希望大家要正視問題。

mirror演唱會 杜汶澤
(圖片來源:[email protected]杜汶澤 )

杜汶澤:「不看見不等如沒有發生」

唔少藝人對於此事都感到難以置信及不滿,當中杜汶澤都唔例外,事後許多人建議唔應該再轉發該事故的影片,認為會對心理造成負擔及影響。而杜汶澤就認為佢唔反對呢個做法,但同樣希望大家要認真看待事件及問題,強調「不看見不等如沒有發生」,一定要追究落去,因為Mirror演唱會出現問題已經唔係第一日的事,就係因為當時無好好處理,先會引發起昨日的嚴重事故。而且佢以日本作為例子,認為如果同樣事情發生於日本,今日早已有人出來承擔責任「下跪辭職」!希望香港人唔好再習慣一種「不追究,不了了之」的處事態度,發生問題後各種娛樂麻醉自己然後就當無事發生。杜汶澤最後希望演唱會主辦單位可以好好處理此事。

mirror演唱會 杜汶澤
(圖片來源:[email protected]杜汶澤 )

唔少網民支持杜生講法 認為此事一定要追究到底

唔少網民認為主辦單位真係要認為看待問題,因為演唱會前夕已出現dancer受傷問題,如果當時有正視,就唔會造成這次不幸,有鏡粉於杜汶澤post留言「作為鏡粉真係好激心、好傷心。如果係就咁意外,大家會好傷心…… 今次未開騷,dancers已經狂x,開騷以來晚晚驚心動魄,有哂預警,最終搞出咁嘅悲劇,真係人禍。不過,而家最首要係希望傷者平平安安」「果然,小弟以認識杜生你為榮,在紛亂和一片荒唐中,杜生總會敢說人話。」杜汶澤亦再次強調「追究責任亦是撫慰心靈的開端」

mirror演唱會 杜汶澤
(圖片來源:[email protected]杜汶澤 )

圖片來源:[email protected]杜汶澤

YOU MAY ALSO LIKE ...