Meme圖尷尬伯伯訪港即出潛力圖！真實身份超強 爆紅後曾經一度崩潰
廣告
相信就算你少睇Meme圖（迷因），都一定有睇過一張阿伯左手拎住杯，右手用緊電腦，尷尬笑的圖片！呢位被瘋狂key圖的迷因伯伯Arató András近日嚟咗香港！
Meme圖︳Arató András的Meme你一定看過！
藝名 「Hide the Pain Harold」伯伯叫Arató András佢曾拍攝過一系列的圖片，當中標誌性的尷尬笑容是他的特徵，而他亦在網絡上被更改成各種各樣的Memes，當中最著名的一定是手拿咖啡在用電腦的那一張圖片，而在香港最流行的配字版便是「同佢講啊，同我哋講做乜？廢柴」。
Meme圖︳Arató András本人駕到香港
來自匈牙利的Arató András近日更是來港旅遊，打卡不少香港名勝，例如是維港夜景、酒店的中式雞腳等等。而最吸睛的，當然便是他繼續露出經典「尷尬笑」，神情就彷彿是強行被帶到香港旅行。
Meme圖︳「萬能 key」原來咁嚟？Arató András其實係一位工程師
Arató András 2010年同太太去咗土耳其渡假，跟住影咗啲相放咗上社交媒體，後來意外被一名攝影師睇中，搵咗佢做模特兒，後來合作愈來愈多，影咗百幾張相上咗上stock photo。後來網民上stock photo搵相時發現Arató András的相好有喜感，開始整成meme圖，成為咗「萬能 key」，仲幫佢改名為「Hide the Pain Harold」。後來Arató András爆紅後，曾經一度崩潰，不過明白無辦法阻止照片瘋傳，而且得知好多人因為佢的照片而感到快樂後，佢就調整心態繼續大方分享meme圖同埋成為咗KOL！事實上78歲的Arató András其實係一名退休電機工程師，曾經上過TED TALK演講呢！
Arató András的生活照都有莫名的喜感：
圖片來源：meme圖、ig＠painharold、fb＠Arató András
