MC張天賦疑自製增高秘笈 身高瞬間高咗10cm?

流行娛樂

廣告

MC張天賦自出道以來一直備受關注,大家除咗會關注佢嘅實力之外,亦都好關心佢嘅感情生活。不過,才華洋溢又靚仔嘅MC 成日比人嫌棄衰身高。曾有師奶直言話MC矮,寧願自己個女揀荃灣豬肉威威,都唔要MC。所以幾時都話身高對男仔好重要。唔通MC都意識到呢個問題,所以自製咗一套增高秘笈?

MC張天賦 MC生活照。
MC生活照。(圖片來源:ig@mcheung1201)

增高秘笈三部曲

第1招髮型:先+3cm!

有細心網民發現MC好鐘意以下三個部分默默幫自己增高。首先,MC髮型方面都會偏高,睇落去面型變得修長之餘,仲會瞬間有高咗的效果,網民計算過目測高3cm!

MC張天賦 反對無效 MV。
反對無效 MV。(圖片來源:youtube@MC Cheung 張天賦)

第2招厚底鞋:再+5cm!

唔少想增高的人都會從鞋落手,會揀一對鞋有咁高得咁高,睇嚟MC都唔會錯過呢個增高機會。睇佢經常出席活動或者MV的時候都會著住厚底鞋,單憑《時候不早》呢個mv的鞋目測對厚底鞋就超過3cm,而且鞋內仲可以加鞋墊,再有2cm 加乘。

MC張天賦 時候不早 MV。
時候不早 MV。(圖片來源:youtube@MC Cheung 張天賦)
MC張天賦 時候不早 MV。
時候不早 MV。(圖片來源:youtube@MC Cheung 張天賦)

第3招伸長條頸:再+2cm!

原來除咗以上方法之外仲有一招終極絕招!就係伸長條頸,尤其係影相個時,將條頸伸到長一長,可以瞬間高多幾吋,睇落都有成2cm架!網民就留意到MC影相時、唱歌時、拍mv時都會有此舉動,就咁睇高隔離Candy唔少!

MC張天賦 MC首拍戲娛樂新聞
MC首拍戲娛樂新聞(圖片來源:youtube@Viu1 娛樂新聞)
MC張天賦 時候不早 MV。
時候不早 MV。(圖片來源:youtube@MC Cheung 張天賦)

網民仲好貼心幫MC計埋做齊3招可以增高幾多cm。梳高頭髮可以增高3cm,厚底鞋同鞋墊可以增高5cm,最後伸長條頸可以增高2cm.一共增高左足足10cm。各位想增高的網民不防學起來!

睇睇網民點睇呢套增高秘笈

網民對呢套增高秘笈視乎唔太買賬,紛紛表示「條頸扯到2 cm都幾驚下」、「個髮型攪咩」。亦有網民指出呢套增高秘笈都需要本錢「佢依個頭都要髮線靚有頭髮先做倒,髮線向後移又冇頭髮d仔連依幾cm 都高唔倒」。

MC張天賦 網民評論。
網民評論。(圖片來源:LIHKG區截圖)

有網民幫手諗埋其他增高方法,表示仲有「華嘉整體助長器」可以增高。

MC張天賦
(圖片來源:LIHKG區截圖)

不過有網民表示MC魅力無法擋,甚至改變埋社會風氣。「d女仔friend話因為mc所以開始aim矮仔」、「身邊都多女鍾意矮仔」。

MC張天賦
(圖片來源:LIHKG區截圖)

MC的髮型有什麼特別之處?

有細心網民發現MC的髮型方面都會偏高,睇落去面型…詳情請看

MC影相時/唱歌時有什麼習慣?

網民就留意到MC影相時、唱歌時、拍mv時都會…詳情請看

圖片來源:ig@mcheung1201, LIHKG區截圖, youtube@MC Cheung 張天賦, youtube@Viu1 娛樂新聞