MastaMic怒轟娛樂圈風氣差：阿儀MV咁樣一日三十萬！

MastaMic怒轟娛樂圈風氣差：阿儀MV咁樣一日三十萬！

阿儀（薛影儀）的新歌「一加一等於阿儀」MV在清明節當日發布，由於在前期預告已經有相當多人期待，MV釋出後的一日便突破了30萬人次觀看，歌曲中「Baby Baby Baby Honey Honey Honey」的歌詞更是異常洗腦，令到其在2023年成功取代Justin Biber的「Baby」，成為新一首洗腦神曲。

怒轟現時係「流量年代」

有見及此，MastaMic都忍唔住出post嘆：「啱啱睇完阿儀個MV，咁樣一日三十幾萬，忍唔住諗喺呢個流量嘅年代其實咁畀心機做音樂把L咩」。該post都引來不少網民的熱議，有網民都認為其實主要是阿儀的MV有噱頭，所以先用食花生的心態去睇一睇MV，而並非的確去了解該音樂作品，亦有網民認為阿儀只是製造話題，並非是「做音樂」。

再出post望遠觀眾支持好音樂

不過都有網民認為MastaMic是在作比較，出於妒忌心，在一段時間後他再次出多個post澄清並引述自己的觀點：

其實大家可以冷靜啲，我睇得好化，我亦無同任何人比較，喺呢行都有一段日子，相同嘅事由以前嘅媽媽今天不要擔心我到Sugar Daddy到今日，同類事只會不停發生，佢唔會係第一個，亦都唔會係最後一個，都已經見怪不怪，只係近排有好多新嘅做得好嘅音樂人問我，究竟點樣可以喺宣傳上令到多啲人知，講真我都真係唔識，到我望一望個落差，有感而發啫。

另外好多朋友同我講點擊率唔等於好音樂，我諗呢個道理係人都知，但係可惜個市場唔係咁運作，唱得好嘅歌手，有風格嘅製作人，有型嘅樂隊，只要佢哋冇流量，喺個市場度就好難搵飯食，所以我只係想講，古怪嘅嘢你哋會好奇心想睇，我明，但當你哋聽到好嘅嘢，都不妨俾個like留個言分享埋俾你朋友，唔係要變到好誇張，只係平衡返少少，大家都有飯開咁就好，就係咁。