Marvel「征服者康」罪成即被迪士尼炒魷 網民：最好的奸角
征服者康演員罪名成立正式被迪士尼炒魷
由Jonathan Majors出演的Marvel第五階段最強反派「征服者康」，喺今年3月份時間涉嫌對女朋友發生暴力事件而遭到逮捕。雖然他透過發言人主張自己無罪，但警方仍未撤銷對他的控訴。經過審訊後，六人陪審團裁定4項罪名當中嘅一項三級襲擊以及二級騷擾罪名成立，呢兩項罪名成立，有機會面臨最高一年嘅監禁！審訊結果出咗之後，迪士尼隨即宣布將Jonathan Majors開除，未來嘅MCU宇宙都唔會再同佢合作。
Jonathan Majors因為唔俾check手機而發生爭執
根據外媒報導Jonathan Majors的前女友Grace Jabbari係一位動作指導，事件當日喺的士上面見到Jonathan Majors收到第位女性的信息，內容為「此刻多希望能吻你」後發生爭執。女方因為想查男方手機呢個舉動而激嬲Jonathan Majors，跟住街邊的閉路電視影到Jonathan Majors想將女方推返上車但唔成功，最後喺街頭分道揚鑣。女方聲稱Jonathan Majors的行為令佢面對巨大的痛苦！
網民嘆：征服失敗！大感可惜係最好戲嘅奸角
Jonathan Majors爆發暴力事件時，強調自己自己無罪，加上Jonathan Majors「征服者康」以及喺《洛基》的演出非常受歡迎，令網民大感可惜，對結果非常失望「好鍾意佢 做康好生鬼」「loki 2超好戲！」「佢係公認Marvel 入面最識做戲既奸角」「marvel連最後救星都無埋」「係咪變求職者康？」「征服唔到前女友」
迪士尼重視形象！呢位演員最有機會上任
一名知名影評人指出迪士尼一向十分注重形象以及外界輿論，目前據悉英國演員Damson Idris是最有力的人選之一，不過雙方未真正進入會面洽談的狀態。畢竟MCU第五階段中「康」一角將會是關鍵人物，Marvel都不會希望新階段將會再次滑下坡。
換角其實好易！
對於目前MCU的走線來看，似乎在《蟻俠3》最後「征服者康」捲入時間機器中將會是一個十分好的契機，畢竟導演都沒有解畫康是否已去世。而片尾亦見到「康的議會」場面，要藉此去由新演員出演新康，其實也不是一件難事。再回想當時在《Iron Man》中出現的James Rhodes，換角同樣來得十分之突然。
