Maroon 5

Maroon 5主音Adam Levine報喜老婆懷孕 小三公開露骨對話贈興

流行娛樂

廣告

老婆有喜當然開心啦!但同時有位網紅衝出嚟自認是小三,再將私人露骨對話公開,你都咪話唔頭痕呀!話說日前Maroon 5主音Adam Levine高興宣布辣模老婆Behati Prinsloo懷上第三胎,卻適時有位名為Sumner Stroh的網紅自爆與Adam發生過關係,更將二人露骨對話大公開,至今Adam依然未有任何回應!

花花公子變好爸爸

現年43歲的美國天團Maroon 5主音Adam,出道以來緋聞不絕,更被冠以花花公子稱號,直至2014年與拍Victoria’s Secret廣告一炮而紅的火辣model Behati Prinsloo結婚,變得修心養性,兩人先在2016年9月誕下女兒Dusty Rose,17年再誕下二女Gio三年抱兩,至早前再報喜老婆懷上第三胎!花花公子驟變好男人、廿四孝爸爸!

Maroon 5 Maroon 5主音年前首《Sugar》相信大家都耳熟能詳。
Maroon 5主音年前首《Sugar》相信大家都耳熟能詳。(圖片來源:maroon5官方mv截圖)
Maroon 5 Adam貴為美國男天團主音,食女無數,Victoria
Adam貴為美國男天團主音,食女無數,Victoria’s Secret的model都歎過幾位,其中Behati Prinsloo成功將他收服。(圖片來源:[email protected]
Maroon 5 兩人狀甚恩愛,Adam仲會陪妻女行沙灘。
兩人狀甚恩愛,Adam仲會陪妻女行沙灘。(圖片來源:[email protected]
Maroon 5 Dusty Rose出世無耐,Adam仲讓囡囡瞓喺心口拍照留念。
Dusty Rose出世無耐,Adam仲讓囡囡瞓喺心口拍照留念。(圖片來源:[email protected]

網紅爆出軌 公開對話記錄

高興的同時,有位網紅兼模特兒出面爆料,指控Adam Levine出軌,更公開私下聊天記錄,這位名為Sumner Stroh的模特兒,日前在TikTok平台上發影片,分享過去曾經和Adam Levine發生過性關係的經過,Sumner Stroh指:「當時自己太年輕、想法很天真、很容易受到他人擺佈。」又聲稱那時Adam和 Behati Prinsloo結婚,亦曾經介入他們的婚姻,口講無憑,為了證明自己講真話,Sumner Stroh在影片中更附上和Adam之間的聊天記錄,內容十分露骨,如Adam稱讚 Sumner Stroh非常性感,話她本人比照片火辣五十倍;Sumner Stroh又公開今年6月Adam傳的訊息,表示他們之間繼續保持聯絡,當時Adam直接問道:「問妳一個非常嚴肅的問題,我將要迎來另一個孩子了!如果是男孩的話,我想把他取叫 Sumner,妳能接受嗎?我是很認真在問喔。」妄想將第三名小孩用小三名字命名,唔知咩心態!

Maroon 5 Sumner在TikTok公開與Adam的私密對話,內容好露骨,Adam大讚Sumner真人比相火辣得多,仲爆晒粗谷精上腦咁。
Sumner在TikTok公開與Adam的私密對話,內容好露骨,Adam大讚Sumner真人比相火辣得多,仲爆晒粗谷精上腦咁。(圖片來源:Sumner [email protected]
Maroon 5 Sumner又公開手機notice截圖,最底那項顯示Adam竟然問她第三個小孩想用她個名命名...真係𢱑晒頭!
Sumner又公開手機notice截圖,最底那項顯示Adam竟然問她第三個小孩想用她個名命名…真係𢱑晒頭!(圖片來源:[email protected]

小三被迫公開關係?

Sumner Stroh落得被人冠以小三之名,更有唔少網民狠批她不知廉恥,Sumner解釋原本唔想公開這件事,只曾經將這件事情告訴幾位自己覺得信得過的朋友,結果被擺上枱,有位朋友將這些截圖對話賣給媒體,她迫不得已唔想這位朋友得逞而自我引爆,這段影片上傳後,短時間超過千萬人次觀看,引發網友熱烈討論。

Maroon 5 呢位就係流出對話中,超火辣的Sumner Stroh。
呢位就係流出對話中,超火辣的Sumner Stroh。(圖片來源:Sumner [email protected]
Maroon 5 由於公開Adam出軌罪證後,被唔少人質疑佢博上位或者想撈一筆,Sumner再在ig Story轉載朋友的story,為自己解釋怕先被爆料所以自我引爆的原因。
由於公開Adam出軌罪證後,被唔少人質疑佢博上位或者想撈一筆,Sumner再在ig Story轉載朋友的story,為自己解釋怕先被爆料所以自我引爆的原因。(圖片來源:[email protected]

IG擁30萬粉絲

現年二十三歲的Sumner Stroh是位模特兒,亦是一位網紅,在 Instagram坐擁36.2萬粉絲,她不時分享生活照,亦唔介意騷身材,至今Adam Levine和待產的老婆Behati Prinsloo仍未為疑似出軌一事作任何回應。

圖片來源:[email protected], [email protected],sumnerst,maroon5官方mv截圖[email protected],[email protected]

YOU MAY ALSO LIKE ...